ມອບເຮືອລາດຕະເວນໃຫ້ກອງບັນຊາການ ປກຊ-ປກສ ແຂວງບໍ່ແກ້ວແລະຫຼວງນ້ຳທາ

    0
    106

    ພິທີມອບ-ຮັບ ເຮືອລະຫວ່າງກົມທະຫານຊາຍແດນ ກົມໃຫຍ່ເສນາ ທິການກອງທັບກັບກອງບັນຊາການ ປກຊ-ປກສ ແຂວງບໍ່ແກ້ວ-ຫຼວງນ້ຳທາຈັດຂຶ້ນໃນວັນທີ 6 ກຸມພາ 2021 ຜ່ານມານີ້, ຢູ່ທີ່ຫ້ອງປະຊຸມກອງຮ້ອຍທະຫານຊາຍແດນ 121.ມີ ສະຫາຍ ພັນເອກ ດວງ ມາລາ ຮອງຫົວໜ້າກົມທະຫານຊາຍແດນກົມໃຫຍ່ເສນາທິການກອງທັບ,

    ສະຫາຍພັນໂທ ທອງໄຂ ສີຍາລາດຮອງເລຂາຄະນະພັກກອງບັນຊາການ ຫົວໜ້າການທະຫານ ກອງບັນຊາການທະຫານ ແຂວງບໍ່ແກ້ວ, ມີຜູ້ຕາງໜ້າກົມໃຫຍ່ເຕັກນິກກອງທັບ, ຜູ້ຕາງໜ້າໃຫ້ກອງບັນຊາການທະຫານແຂວງຫຼວງນ້ຳທາ, ຜູ້ຕາງໜ້າກອງບັນຊາການ ປກສ ແຂວງ,ມີກອງຮ້ອຍທະຫານຊາຍແດນ 122 ເຂົ້າຮ່ວມ.

    ສະຫາຍ ພັນເອກ ດວງ ມາລາ ໄດ້ຕາງໜ້າໃຫ້ຄະນະກ່າວມອບເຮືອລາດຕະເວນ (985Y) ຈໍານວນ 6ລໍາ ໃຫ້ກອງບັນຊາການທະຫານແຂວງບໍ່ແກ້ວ 04 ລໍາ, ໃຫ້ກອງບັນຊາການທະຫານຫຼວງນ້ຳທາ 02 ລໍາ ແລະ ເຮືອລາດຕະເວນ (TEL:0756-754888) ຈໍານວນ 6ລໍາ ໃຫ້ໃຫ້ກອງບັນຊາການທະຫານແຂວງບໍ່ແກ້ວ 02 ລໍາ, ໃຫ້ກອງ

    ບັນຊາການທະຫານແຂວງຫຼວງນ້ຳທາ 02 ລໍາ ແລະ ກອງບັນຊາການ ປກສ ແຂວງສອງແຂວງ 02ລຳ ເພື່ອນໍາໃຊ້ເຂົ້າໃນການປະຕິບັດໜ້າທີ່ວຽກງານໃນການເຄື່ອນໄຫວລາດຕະເວນທາງນໍ້າ.ຕາງໜ້າກ່າວ ຮັບໂດຍ ສະຫາຍ ພັນໂທ ທອງໄຂ ສີຍາລາດ ພ້ອມທັງໄດ້ກ່າວສະແດງຄວາມຂອບໃຈຢ່າງສູງ ແລະ ຮູ້ສຶກພາກພູມໃຈທີ່ຍາມໃດຂັ້ນເທິງກໍ

    ໄດ້ມີຄວາມເປັນຫ່ວງເປັນໃຍໃນການປະຕິ ບັດໜ້າທີ່ປົກປ້ອງເຂດຊາຍແດນຂອງຊາດ ເວົ້າລວມ ເວົ້າສະເພາະ ກໍ່ຄືເຂດຊາຍແດນລຽບ ຕາມລຳແມ່ນ້ຳລ້ານຊ້າງແມ່ຂອງຕອນ

    ເໜືອຂອງລາວ ແລະ ເຮືອຈຳນວນ ດັ່ງກ່າວຈະໄດ້ມອບຕໍ່ໃຫ້ບັນດາກອງຮ້ອຍທະຫານຊາຍແດນເປັນຜູ້ປົກປັກຮັກ ສານຳໃຊ້ໃຫ້ໄດ້ຍາວນານ ແລະ ເກີດປະໂຫຍດສູງສຸດ ພ້ອມທັງເຊັນບົດບັນທຶກມອບ-ຮັບ ເຮືອ ຈຳນວນດັ່ງກ່າວຢ່າງເປັນທາງການ.

    ໂດຍ: ສົມໄຊ ສີລາຈັນ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.