ລາວໂທລະຄົມ ມອບພັນທະໃຫ້ລັດຖະບານ 308,4 ຕື້ກີບ ກວມ 17,5% ຂອງລາຍຮັບບໍລິສັດ

    0
    355

    ບໍລິສັດ ລາວ ໂທລະຄົມມະນາຄົມ ມະຫາຊົນ ຈັດກອງປະຊຸມປະຈຳປີ 2020 ໃນວັນທີ 5 ກຸມພາ 2021 ພາຍໃຕ້ການເປັນປະທານຂອງ ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ໂດຍມີ ທ່ານ ທັນສະໄໝ ກົມມະສິດ ລັດຖະມົນຕີກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ແລະ ພາກສ່ວນກ່ຽວຂ້ອງ ເຂົ້າຮ່ວມ ເພື່ອສະຫລຸບຜົນງານການເຄື່ອນໄຫວວຽກງານດຳເນີນທຸລະກິດໃນປີ 2020 ແລະ ທິດທາງແຜນການໃນປີ 2021, ເຊິ່ງໃນປີ 2020 ຜ່ານມາ ບໍລິສັດ ລາວ ໂທລະຄົມມະນາຄົມ ມະຫາຊົນ ສາມາດສ້າງລາຍຮັບໄດ້ທັງໝົດ 1.758,4 ຕື້ກີບ, ໃນນັ້ນມີກໍາໄລສຸດທິ 197,5 ຕື້ກີບ; ສາມາດປະຕິບັດພັນທະໃຫ້

    ລັດຖະບານໄດ້ທັງໝົດຈຳນວນ 308,4 ຕື້ກີບ, ເຊິ່ງກວມເອົາອັດຕາສ່ວນ 17,5% ຂອງລາຍຮັບທີ່ ລາວ ໂທລະຄົມ ປະຕິບັດໄດ້ພາຍໃນປີ.ໃນກອງປະຊຸມ, ທ່ານ ສຸພົນ ຈັນທະວີໄຊ ໄດ້ຍົກໃຫ້ເຫັນຜົນງານພົ້ນເດັ່ນ ທີ່ ລາວ ໂທລະຄົມ ສາມາດຍາດແຍ່ງມາໄດ້ໃນໜຶ່ງປີຜ່ານມາ ເປັນຕົ້ນແມ່ນ ໄດ້ລົງທຶນຂະຫຍາຍຕາໜ່າງລະບົບໂທລະຄົມມະນາຄົມມີມູນຄ່າ 31,7 ລ້ານໂດລາສະຫະລັດ; ປັດຈຸບັນມີ​​ສະຖານີ​ມື​ຖືທັງ​ໝົດ 8.729 ສະຖານີ ໃນ​ນີ້: GSM 2G ຈໍານວນ 1.938 ສະຖານີ, 3G ຈໍານວນ 3.135 ສະຖານີ, 4G ຈໍານວນ 3.019 ສະຖານີ, 4,5G ຈໍານວນ 629 ສະຖານີ ແລະ 5G ຈຳນວນ 8 ສະຖານີ (ມີ​ສັນຍານ​ໂທລະສັບ​ມື​ຖື​ຄວບ​ຄຸມ​ໄດ້ທົ່ວປະເທດ, ກວມ

    ປະຊາກອນ 72%, ໃນນັ້ນ 4G ກວມ 67%), IPCore/IPRAN 1.589 ສະຖານີ ແລະ FTTH ຈຳນວນ 74.345 Ports ກວມ 15,76% ຂອງຫລັງຄາເຮືອນໃນເຂດເທສະບານ. ມາຮອດປັດຈຸບັນ ມີລູກຄ້າໃຊ້ໂທລະສັບມືຖືໃນລະບົບຈໍານວນ 1.4 ລ້ານເລກໝາຍ, ໂທລະສັບຕັ້ງໂຕະ 31 ພັນເລກໝາຍ, ໂທລະສັບວິນໂຟນ 274 ພັນເລກໝາຍ ແລະ ອິນເຕີເນັດ 1.2 ລ້ານລູກຄ້າ; ໃນປີ 2020 ຜ່ານມາສາມາດສ້າງລາຍຮັບໄດ້ທັງໝົດ 1.758,4 ຕື້ກີບ, ສາມາດປະຕິບັດພັນທະໃຫ້ລັດຖະບານໄດ້ 308,4 ຕື້ກີບ, ເຊິ່ງກວມເອົາອັດຕາສ່ວນ 17,5% ຂອງລາຍຮັບທີ່ ລາວ ໂທລະຄົມ ປະຕິບັດໄດ້ໃນປີ 2020. ນອກຈາກນັ້ນ ຍັງໄດ້ປັບປຸງລະບຽບ, ນະໂຍບາຍສະຫວັດດີການສັງຄົມ

    ຕ່າງໆ ເພື່ອຍົກສູງລະດັບຊີວິດການເປັນຢູ່ຂອງພະນັກງານໃຫ້ດີຂຶ້ນເລື້ອຍໆ ໄປຄຽງຄູ່ກັບການດໍາເນີນທຸລະກິດຍັງໄດ້ປະກອບ ສ່ວນຊ່ວຍເຫລືອ ແລະ ໃຫ້ການອຸປະຖຳຕໍ່ອົງການຈັດຕັ້ງພັກ-ລັດ ແລະ ສັງຄົມເປັນມູນຄ່າ 5,4 ຕື້ກ່ວາກີບ, ໃນນັ້ນ ອັນພົ້ນເດັ່ນໄດ້ຊຸກຍູ້ລັດຖະບານໃນການຄວບຄຸມ ແລະ ຕ້ານພະຍາດ ໂຄວິດ-19 ມູນຄ່າ 2 ຕື້ກວ່າກີບ, ຍັງໄດ້ສະໜອງອຸປະກອນ ແລະ ສັນຍານອິນເຕີເນັດສຳລັບການຮຽນທາງໄກ, ກອງປະຊຸມທາງໄກຂອງອົງການຈັດຕັ້ງພັກ-ລັດຖະບານຈຳນວນໜຶ່ງ ໃນມູນຄ່າ 7,9 ຕື້ກ່

    ວາກີບ.ສຳລັບ ແຜນການປີ 2021 ນີ້, ລາວ ໂທລະຄົມ ຈະສູ້ຊົນສ້າງຖານລູກຄ້າໃໝ່ໃຫ້ເພີ່ມຂຶ້ນ 3 ລ້ານກວ່າເລກໝາຍ ແລະ ສ້າງລາຍຮັບໃຫ້ໄດ້ທັງໝົດ 1.832,3 ຕື້ກີບ (ລວມອາກອນ), ທຽບໃສ່ປີ 2020 ເພີ່ມຂຶ້ນ 4,2% ຄາດຄະເນກໍາໄລສຸດທິໃຫ້ໄດ້ 292,3 ຕື້ກີບ ເພີ່ມຂຶ້ນ 47,9% ແລະ ຄາດຄະເນວ່າຈະສາມາດປະຕິບັດພັນທະໃຫ້ລັດຖະບານຈຳນວນ 321,52 ຕື້ກີບ; ນອກຈາກນັ້ນຍັງຈະໄດ້ລົງທຶນທັງໝົດ 35,3 ລ້ານໂດລາສະຫະລັດ ເພື່ອສືບຕໍ່ປັບປຸງ ແລະ ຂະຫຍາຍເຄືອຂ່າຍການໃຫ້ບໍລິການດ້ານໂທ

    ລະຄົມ ໂດຍສະເພາະແມ່ນ ໂທລະລັບແບບໄຮ້ສາຍ ແລະ ບໍ່ມີສາຍ(Mobile Broadband and Fixed Broadband) ໃຫ້ຮັບປະກັນໃຫ້ແກ່ການບໍລິການລູກຄ້າທາງດ້ານປະລິມານ ແລະ ຄຸນນະພາບ, ຂໍ້ມູນມີຄວາມປອດໄພ ແລະ ເປັນລະບົບທັນສະໄໝ​ເພື່ອ​ຮັບປະກັນ​ໃຫ້​ແກ່​ການ​ບໍລິການ​ສັງຄົມ ທັງໝົດເຫລົ່ານີ້ ກໍເພື່ອໃຫ້ບັນລຸຕາມແຜນຍຸດທະສາດ ແລະ ວິໃສທັດກ້າວໄປສູ່ການດຳລົງຊີວິດໃນຍຸກດີຈີຕອນ ຫລື Lao Digital Life.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.