ເຈົ້າໜ້າທີ່ໄທບຸກຈັບ ເສ່ຍໂປ້ ແຈ້ງຂໍ້ຫາກ່ຽວກັບພະນັນອອນລາຍ

    0
    169

    ຕຳຫລວດຊຸດ​ຫະນຸມານ​ກອງ​ປາບຂອງ​ໄທ ບຸກຈັບ ​ເສ່ຍ​ໂປ້ ຢູ່​ເຮືອນ ຕາມ​ໝາຍ​ຈັບ​ສານ​ອາຍາ​ໃນ​ຂໍ້​ຫາ​ຮ່ວມ​ກັນ​ຈັດ​ໃຫ້​ມີ​ການ​ຫລິ້ນການ​ພະນັນ​ອອນ​ລາຍ ​ແລະ ສົມຮູ້​ຮ່ວມ​ຄິດ​ກັນ​ໃຫ້​ມີ​ການ​ຫລິ້ນພະນັນ​ອອນ​ລາຍ.ວັນ​ທີ 4 ກຸມພາ 2021 ຕຳຫລວດ​ຊຸດ​ປະຕິບັດ​ການ​ພິ​ເສດ​ຫະນຸມານ​ກອງ​ປາບ​ຂອງ​ໄທ ຮ່ວມ​ກັບ​ຊຸດ​ສືບສວນ​ສູນ​ປາບ​ປາມ​ອາ​ຊະ​ຍາ​ກຳ​ທາງ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ ສຳນັກງານ​ຕຳຫລວດ​ແຫ່ງ​ຊາດ​ໄທ ​ປະຕິບັດ​ການ ຊັດ​ດາວ ກາ​ແລັກ​ຊີ່ ອອນ​ລາຍ ປິດ​ລ້ອມ​ຈັບ​ກຸມ​ທ້າວ ​ໂປ້​ອານົນ (​ເສ່ຍ​ໂປ້) ອາຍຸ 28 ປີ

    ພ້ອມ​ກວດຄົ້ນອີກ 7 ຈຸດ.​ໂດຍ​​ນຳ​ເອົາ​ໝາຍ​ສານ​ອາຍາ​ເຂົ້າກວດຄົ້ນ​ເປົ້າໝາຍ​ຫລັກ​ຄື​ເຮືອນ​ຂອງ ​ເສ່ຍ​ໂປ້ ​ເປັນອາຄານ​ການ​ຄ້າ ​ເຂດ​ພາສີ​ຈະ​ເລີ​ນ ນະຄອນຫລວງ​ບາງກອກ ພ້ອມ​ຈັບ​ກຸມ ​ເສ່ຍ​ໂປ້ ​ໃນ​ຂໍ້​ຫາ​ຮ່ວມ​ກັນ​ຈັດ​ໃຫ້​ມີ​ການ​ຫລິ້ນການ​ພະນັນ​ອອນ​ລາຍ ​ແລະ ສົມຮູ້​ຮ່ວມ​ຄິດ​ກັນ​ໃຫ້​ມີ​ການ​ຫລິ້ນພະນັນ​ອອນ​ລາຍ​ໄດ້​ຢູ່​ເຮືອນ ກ່ອນ​ນຳ​ກຳລັງ​ເຂົ້າກວດຄົ້ນພາຍ​ໃນ​ເຮືອນ ຄວບ​ຄຸມ​ຕົວ​ແຮງ​ງານ​ຊາວ​ມຽນມາ​ໄດ້ 25 ຄົນ ​ແລະ ຈັບ​ກຸມລູກ​ນ້ອງ​ເສ່ຍ​ໂປ້ ຍຶດອາວຸດ​ປືນ 1 ກະບອກ​ ພ້ອມ​ລູກປືນ 11 ລູກ. ຈາກ​ນັ້ນ ຈຶ່ງ​ມີ​ການ​

    ປະສານ​ງານ​ຫາ​ເຈົ້າໜ້າ​ທີ່​ສາທາລະນະ​ສຸກ​ເຂົ້າກວດ​ຄັດ​ກອງ​ພະຍາດ​ກັບ​ແຮງ​ງານ ກ່ອນ​ຄວບ​ຄຸມ​ຕົວ​ໄປ​ສອບ​ສວນ.ຜູ້​ບັນຊາ​ການ​ຕຳຫລວດ​ແຫ່ງ​ຊາດ​ໄທ ກ່າວ​ວ່າ: ຈາກ​ການ​ສອບ​ສວນ​ທ້າວ ​ເສ່ຍ​ໂປ້ ​ໂປ້​ອານົນ ​ເຊິ່ງມີ​ເປົ້າໝາຍ​ຈັບ​ກຸມ​ຜູ້​ຕ້ອງ​ຫາ 33 ຄົນ ຈັບ​ກຸມ​ໄດ້ 12 ຄົນ​ໃນ​ຂໍ້​ຫາ ຮ່ວມ​ກັນ​ຈັດ​ໂຄສະນາ​ຊັກ​ຊວນ​ໃຫ້​ຜູ້​ອື່ນ​ຫລິ້ນການ​ພະນັນ (ອອນ​
    ລາຍ) ​ແລະ ສົມຮູ້​ຮ່ວມ​ຄິດ​ກັນ ຟອກ​ເງິນ ທັງ​ໝົດ 31 ໝາຍ​ຈັບ ​ໂດຍ​​ໃນ​ການ​ຈັບ​ກຸມ​ຄັ້ງນີ້​ເປັນ​ໄປ​ຕາມ​ໝາຍ​ຈັບ 12 ໝາຍ​ຈັບ ​ແລະ ​ເປັນ​ການ​ກະທຳ​ຜິດ​ຕໍ່ໜ້າ 1

    ຄະດີ, ພ.ຣ.ບ ອາວຸດ​ປືນ, ຈັບ​ຜູ້​ຕ້ອງ​ຫາ​ທີ່​ເຮັດ​ໜ້າ​ທີ່​ເປັນ​ຜູ້​ຄຸມ​ກັນ ​ແລະ ມີ​ໝາຍ​ຈັບ​ເກົ່າ 2 ໝາຍ.ການ​ປະຕິບັດ​ການຄັ້ງນີ້ ພົບ​ເວັບ​ພະນັນ​ອອນ​ລາຍ 6 ​ເວັບ​ໄຊ ທີ່​
    ກ່ຽວຂ້ອງ​ກັບ​ເຄືອ​ຂ່າຍ​ເສ່ຍ​ໂປ້ ​ໂດຍ​ຕຳຫລວດ​ຈະ​ໃຊ້​ເວັບ​ໄຊ​ທີ່​ກວດ​ພົບ​ເຫລົ່າ​ນີ້​ເປັນ​ຫລັກ​ຖານ ​ເພື່ອ​ຂະຫຍາຍ​ຫາ​ເຄືອ​ຂ່າຍ​ອື່ນໆ.ຮອງ​ຜູ້​ບັນຊາ​ການ​ຕຳຫລວດ​ແຫ່ງ​ຊາດ​ໄທ ລະບຸ​ວ່າ: ຄະດີ​ນີ້​ພົບ​ຜູ້​ຕ້ອງ​ຫາ​ມີ​ພຶດຕິ​ກຳ​ການ​ແບ່ງ​ວຽກ​ກັນ​ເຮັດ​ເປັນ​ຂັ້ນຕອນ ທັງ​ປະກາດ​ເຊີນຊວນ ​ແລະ ຈັດ​ໃຫ້​ມີ​ການ​ຫລິ້ນການ​ພະນັນ, ການ​ກວດຄົ້ນພົບ​ບັນຊີ​ທີ່​ກ່ຽວຂ້ອງ​

    ກັບ​ການ​ພະນັນ​ຈຳນວນ​ຫລາຍ ​ແລະ ມີ​ເງິນ​ທຶນ​ໝູນວຽນ​ຫລາຍ​ກວ່າ 1.000 ລ້ານ​ບາດ ລວມທັງ​ມີ​ການ​ຟອກ​ເງິນ​ປ່ຽນ​ເປັນ​ຊັບ​ສິນ​ກິດຈະການ​ຊະນິດ​ອື່ນ ​ໂດຍ​ຕໍ່​ຈາກ​ນີ້ ຊັບ​ສິນ​ທີ່​ກວດ​ຍຶດ​ໄດ້​ຈະດຳ​ເນີນ​ຕາມ​ກົດໝາຍ​ຟອກ​ເງິນ​ຕໍ່​ໄປ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.