ສປປ ລາວເພີ່ມການລາດຕະເວນຕາມຊາຍແດນ ເພື່ອຮັບປະກັນບໍ່ໃຫ້ ມີການເຂົ້າ-ອອກແບບຊະຊາຍ

    0
    131

    ການເພີ່ມການລາດຕະເວນຕາມຊາຍແດນຢ່າງເຂັ້ມງວດ ແລະ ຮັດກຸມເພື່ອຮັບປະກັນບໍ່ໃຫ້ມີການເຂົ້າ-ອອກແບບຊະຊາຍ ຫຼື ມີການລັກລອບເຂົ້າ-ອອກໂດຍບໍ່ຜ່ານດ່ານຊາຍແດນ ແມ່ນມາດຕະການຜ່ອນຜັນໃໝ່ ໃນ 14 ມາດຕະການ ທີ່ທາງຄະນະສະເພາະກິດປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດພະຍາດໂຄວິດ-19 ສືບຕໍ່ກໍານົດໃນມາດຕະການຜ່ອນຜັນ ປ້ອງກັນພະຍາດດັ່ງກ່າວ ນັບແຕ່ວັນທີ 1 ກຸມພາ ເຖິງວັນທີ 31 ມີນາ 2021 ຍ້ອນວ່າບັນດາປະເທດອ້ອມຂ້າງ ສປປ ລາວ ໄດ້ພົບ

    ການລະບາດຮອບໃໝ່ຂອງພະຍາດນີ້ ໂດຍສະເພາະຢູ່ປະເທດໄທ, ຫວຽດນາມ ແລະ ມຽນມາ ຊຶ່ງຄະນະສະເພາະກິດປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດພະຍາດໂຄວິດ-19 ໄດ້ສະເໜີໃຫ້ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບສົມທົບກັບນະຄອນຫຼວງວຽງຈັນ ແລະ ບັນດາແຂວງທົ່ວປະເທດ ໂດຍສະເພາະແຂວງ

    ຊາຍແດນເອົາໃຈໃສ່ ແລະ ສືບຕໍ່ເພີ່ມທະວີຕື່ມໃນການຕິດຕາມກວດກາ ການເຂົ້າ-ອອກ ຢູ່ດ່ານ, ລາດຕະເວນຕາມຊາຍແດນ ເພື່ອຮັບປະກັນບໍ່ໃຫ້ມີການລັກລອບເຂົ້າ-ອອກບໍ່ຜ່ານດ່ານຊາຍແດນ ໂດຍສະເພາະຄົນລາວທີ່ໄປອອກ ແຮງງານຢູ່ບັນດາປະເທດທີ່ມີຊາຍແດນຕິດກັບປະເທດລາວທີ່ອາດຈະລັກລອບກັບຄືນປະເທດ ທັງນີ້ກໍເພື່ອ

    ຮັບປະກັນບໍ່ໃຫ້ມີຄວາມສ່ຽງ ໃນການນຳເຊື້ອພະຍາດເຂົ້າມາແຜ່ລະບາດໃນຊຸມຊົນ. ກໍລະນີພົບເຫັນຜູ້ລັກລອບເຂົ້າມາ ແມ່ນໃຫ້ນຳເຂົ້າສູນຈຳກັດບໍລິເວນ ເພື່ອກວດວິເຄາະຫາເຊື້ອພະຍາດ, ຄວບຄຸມບໍ່ໃຫ້ມີການຕິດເຊື້ອ ແລະ ແຜ່ເຊື້ອ ພ້ອມທັງດຳເນີນການຕາມກົດໝາຍ ແລະ ລະບຽບການກ່ຽວຂ້ອງ.

    ຂ່າວ: ວຽງຈັນທາຍ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.