ຢູນີເທວປະກອບສ່ວນຊຸກຍູ້ວຽກງານສື່ສານໃຫ້ແກ່ແຂວງຫົວພັນ ແລະ ແຂວງຊຽງຂວາງ ເປັນມູນຄ່າ 152.500.000 ກີບ

    0
    244

    ຢູນີເທວປະກອບສ່ວນຊຸກຍູ້ວຽກງານສື່ສານໃຫ້ແກ່ແຂວງຫົວພັນ ແລະ ແຂວງຊຽງຂວາງ ເປັນມູນຄ່າ 152.500.000 ກີບເພື່ອສືບຕໍ່ວຽກງານປະກອບສ່ວນແກ່ພາກລັດຖະບານ ໂດຍສະເພາະແມ່ນວຽກງານເກັບກໍາຂໍ້ມູນຄຸ້ມຄອງພົນລະເມືອງທີ່ກໍາລັງນໍາໃຊ້ລະບົບຂອງຢູນີເທວ ທີ່ໄດ້ຈັດຕັ້ງມອບແກ່ກະຊວງພາຍໃນ ໃນປີ 2020 ທີ່ຜ່ານມາ ແລະ ເພື່ອເຮັດໃຫ້ວຽກງານດັ່ງກ່າວ ໂດຍສະເພາະແມ່ນວຽກງານ ສື່ສານ ເກັບກຳຂໍ້ມູນ ແລະ ລາຍງານສະຖິຕິ ປ້ອນເຂົ້າໃນລະບົບຄຸ້ມຄອງພົນລະເມືອງ, ເພື່ອຄວາມຖືກຕ້ອງ

    ແລະ ຊັດເຈນໄວ, ທັນເວລາ, ຢູນີເທວແມ່ນໄດ້ເຊັນສັນຍາໃນການພັດທະນາ ແລະ ສະໜອງລະບົບຄຸ້ມຄອງພົນລະເມືອງ ແກ່ກະຊວງພາຍໃນ ທົດລອງແລະ ນໍາໃຊ້ມາແຕ່ປີ ເປັນລະບົບທີ່ທັນສະໄໝ, ສາມາດບັນທຶກຂໍ້ມູນ, ຊອກຫາຂໍ້ມູນ ທີ່ກ່ຽວຂ້ອງເຖີງບັນດາ ເອກະສານການແຈ້ງເກີດ, ການເສຍຊີວິດ, ການແຕ່ງດອງ, ການຢ່າຮ້າງ, ປ່ຽນຊື່ ນາມສະກຸນ, ການຍົກຍ້າຍໄປ ແລະ ຍົກຍ້າຍມາ, ການປ່ຽນທີ່ຢູ່ອາໃສ ເຊີ່ງມີຄວາມສະດວກສະບາຍ, ຈະແຈ້ງ, ຊັດເຈນ ແລະ ຖືກຕ້ອງທີ່ສຸດ. ລະບົບຄຸ້ມຄອງ

    ພົນລະເມືອງເປັນສ່ວນໜື່ງຂອງການຄຸ້ມຄອງພົນລະເມືອງຢູ່ ສປປ ລາວ. ການນຳໃຊ້ ລະບົບຄຸ້ມຄອງພົນລະເມືອງ ເຊີ່ງເປັນບາດກ້າວກະໂດດ ໃນການປັບປ່ຽນລະບົບທີ່ເປັນເອກະສານ ແລະ ປະຕິຮູບການເຄື່ອນໄຫວດ້ານເອກະສານຂອງລັດຖະບານ. ການຮວບຮວມຂໍ້ມູນສະຖິຕິສາມາດປະຕິບັດໄດ້ເຖິງຂັ້ນບ້ານ, ອຳນວຍຄວາມສະດວກບໍ່ພຽງແຕ່ໃນການສ້າງ ແລະ ຕິດຕາມການຈັດຕັ້ງປະຕິບັດແຜນການຂອງອົງການຄຸ້ມຄອງແຕ່ສູນກາງຈົນຮອດຂັ້ນບ້ານ. ແຕ່ຍັງຊ່ວຍໃຫ້ປະຊາຊົນເຂົ້າເຖິງ ແລະ ນຳໃຊ້ການບໍລິການຂອງ

    ລັດໄດ້ງ່າຍ ແລະ ສະດວກ, ເຮັດໃຫ້ຫຼຸດຜ່ອນເວລາ ແລະ ຄ່າໃຊ້ຈ່າຍສຳລັບຂັ້ນຕອນການບໍລິຫານ.ໃນວັນທີ 26 ມັງກອນ 2021 ທີ່ຫ້ອງວ່າການແຂວງຫົວພັນ ໄດ້ຈັດພິທີມອບ – ຮັບໂທລະສັບ ມືຖືແພັກເກດຢູນີໂຟນ ຈໍານວນ 750 ໜ່ວຍ ພ້ອມຊິມໂດຍມີມູນຄ່າທັງໝົດ 112.500.000 ກີບ ແລະ ເງິນສົດ 40.000.000 ກີບ ແກ່

    ຫ້ອງການພາຍໃນແຂວງ ຫົວພັນ ແລະ ແຂວງຊຽງຂວາງ ເພື່ອຊຸກຍູ້ວຽກງານ ທີ່ກະຊວງພາຍໃນເປີດຊຸດອົບຮົມ ເຜີຍແຜ່ນິກຳຄຸ້ມຄອງພົນລະເມືອງຮ່ວມກັບ 2 ແຂວງຫົວພັນ ແລະ ຊຽງຂວາງ ເຊິ່ງຕາງໜ້າ ຝ່າຍມອບໂດຍທ່ານ ລິວ ແມັງ ຮ່າ – ຜູ້ອໍານວຍການໃຫ່ຍບໍລິສັດສະຕາໂທລະຄົມ ແລະ ຮັບໂດຍ ທ່ານ ປອ ທອງຈັນ ມະນີໄຊ ລັດຖະມົນຕີກະຊວງພາຍໃນ ພາກສ່ວນເຂົ້າຮ່ວມປະກອບມີ ພະແນກຍຸດທຳ, ປກສ ແລະ ຫ້ອງການພາຍໃນເມືອງຂອງຫົວພັນ ແລະ ຊຽງຂວາງ ເຂົ້າຮ່ວມທຸກເມືອງ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.