ກັບຮອດບ້ານຮອດເຮືອນແລ້ວເດີ້ ພໍ່ຕູ້ພວງເອີ້ຍ ຂໍໃຫ້ສູ່ສຸຄະຕິເດີ້

    0
    240

    ໃນຄືນວັນທີ 1 ກຸມພາ 2020, ທາງຄອບຄົວ ພໍ່ຕູ້ພວງ, ພຣະສົງ, ເຈົ້າໜ້າທີ່ກ່ຽວຂ້ອງ ແລະ ອາສາສະໝັກ ໄດ້ເດີນທາງ ຜ່າຄວາມມືດ ເດີນທາງໄປກັບ 7-8 ຊົ່ວໂມງ

    ເພື່ອ ໄປຮັບເອົາສົບ ພໍ່ຕູ້ພວງກັບບ້ານ.ປະຈຸບັນ, ສົບໄດ້ມາຮອດບ້ານແລ້ວ ແລະ ນໍາໄປບໍາເພັນກຸສົນໄວ້ທີ່ ວັດສີບຸນເຮືອງ (ສີໃຄ) ເມືອງສີໂຄດຕະບອງ, ນະຄອນຫຼວງວຽງຈັນ.

    ເຮັດພິທີ ກ່ອນນໍາສົບພໍ່ຕູ້ພວງ ກັບບ້ານ

    ເຮັດພິທີ ກ່ອນນໍາສົບພໍ່ຕູ້ພວງ ກັບບ້ານ

    ສົບບໍາເພັນກຸສົນໄວ້ທີ່ ວັດສີບຸນເຮືອງ (ສີໃຄ) ເມືອງສີໂຄດຕະບອງ, ນະຄອນຫຼວງວຽງຈັນ.ທາງຄອບຄົວຍາດພີ່ນ້ອງ ຂໍສະແດງຄວາມຂອບໃຈທຸກພາກສ່ວນ ທີ່ຊ່ວຍທຸກຊ່ອງທາງ ຈົນສາມາດພົບ ແລະ ນໍາພໍ່ຕູ້ກັບບ້ານ.

    ຂ່າວກ່ອນໜ້ານີ້:ພາຍຫຼັງຂ່າວການພົບ ຊາກສົບ ພໍ່ຕູ້ພວງ ໃນບ່າຍວັນທີ 1 ກຸມພາ 2021. ໂດຍ ໃນວັນທີ 31/01/2021 ມີປະຊາຊົນບ້ານຊຽງແລທ່າແຈ້ງຕໍ່ເຈົ້າໜ້າທີ່ຕຳຫຼວດວ່າ ໄດ້ເຂົ້າໄປຫາກິນໃນປ່າແລ້ວພົບຊົບຄົນເສຍຊີວິດ, ຊຶ່ງຄາດວ່າຈະເປັນພໍ່ຕູ້ພວງທີ່ສູນຫາຍແຕ່ວັນທີ 02/10/2020.ດັ່ງນັ້ນຕອນເຊົ້າຂອງມື້ຕໍ່ມາ ເຈົ້າໜ້າທີ່ຈຶ່ງໄດ້ໄປກວດສອບເບິ່ງສະຖານທີ່ຕົວຈິງ, ຈຶ່ງຢືນຢັນວ່າເປັນຮ່າງກາຍເສຍຊີວິດຂອງພໍ່ຕູ້ພວງແທ້.ເຊິ່ງຈຸດທີ່ພົບເຫັນຊາກສົບຂອງພໍ່ຕູ້ພວງແມ່ນຢູ່ນອກເຂດສະຖານທີ່ທ່ອງທ່ຽວນໍ້າປຽນຢໍລະປາ ອອກໄປທາງທິດໃຕ້ ປະມານ 6 ກິໂລແມັດ.

    ຫຼ້າສຸດ, ທາງຄອບຄົວພໍ່ຕູ້ພວງໄດ້ໂພດໃຫ້ຮູ້ອີກວ່າ : “ແຈ້ງຂ່າວເຖີງຍາດຕີພີ່ນ້ອງເດີ, ພໍ່ຕູ້ພວງເສຍຊີວິດແລ້ວເຫັນສົບເພີ່ນຢູ່ເທີງພູທີ່ກຳລັງທະຫານເຮົາເຄີຍຊອກຢູ່ບ່ອນນີ້ຕັ້ງຫລາຍຄັ້ງຫລາຍຫົນ, ຫລາຍລົບຫລາຍຕ່າວແຕ່ກະບໍ່ພົບເຫັນເພີ່ນ, ສົບເພີ່ນເຫັນຢູ່ໃກ້ໆປາຍສາຍສິນທີ່ສູດເພີ່ນໃຫ້ນຳສາຍສິນກັບເຮືອນກັບຊານໃນຕອນນັ້ນ”

    ພ້ອມດຽວກັນນີ້, ຕອນແລງມື້ນີ້ 1/2/2021 ພຣະອາຈານດວງຕາ ໄດ້ແຈ້ງໃຫ້ຮູ້ວ່າ: “ອາຈານ ພ້ອມ ການຈັດຕັ້ງ ແລະລູກຫລານພໍ່ຕູ້ ກຳລັງຈະເດີນທາງຢ່າງຂື້ນພູ ຈາກຈຸດທີ່ພໍ່ຕູ້ສູນຫາຍ ຫ່າງກັນ 6-7 ກມ ໄປ-ກັບ 7 ຊົ່ວໂມງ, ຈະຂຶ້ນໄປເທິງພູໄປຮັບ ຮ່າງທີ່ໄຮ້ວີນຍານ(ສົບ) ຂອງພໍ່ຕູ້ພວງຂໍໃຫ້ການເດີນທາງໃນຄັ້ງນີ້ຈົ່ງຕະຫລອດປອດໄພສາທຸ…ຂໍໃຫ້ດວງວີນຍານຂອງພໍ່ຕູ້ພວງ ສຸວັນນະວົງ ຈົ່ງໄປສູ່ສຸຂະຕິສະຫວັນເທີ້ນ.”

    ຂ່າວກ່ອນໜ້ານີ້:ຈາກກໍລະນີທີ່ ພໍ່ຕູ້ພວງ ອາຍຸ 95 ປີ ຫຼົງປ່າ ທີ່ແຫຼາງທ່ຽວ ນ້ຳປ່ຽນຢໍລະປາ ນະຄອນຫຼວງວຽງຈັນ ຕອນ 2 ໂມງແລງຂອງວັນທີ 3/10/2020 ທີ່ຜ່ານມາ.ຮອດມື້ນີ້ 1 ກຸມພາ 2021 ເກືອບຮອດ 4 ເດືອນ. ຜູ່ເປັນຫຼານ ຊື່ Nick Metallick Dokkhaithong ໄດ້ຖືກແຈ້ງຜ່ານເຟສບຸກສ່ວນຕົວວ່າ ຕອນນີ້ໄດ້ພົບ

    ເຫັນ ສົບພໍ່ຕູ້ແລ້ວ.ຂໍ້ມູນຈາກ Nam Pien Yolapa ໃຫ້ຮູ້ຄວາມຄືບໜ້າການສູນຫາຍຂອງພໍ່ຕູ້ພວງ ອາຍຸ 95 ປີ ໂດຍ ໃນວັນທີ 31/01/2021 ມີປະຊາຊົນບ້ານຊຽງແລທ່າແຈ້ງຕໍ່ເຈົ້າໜ້າທີ່ຕຳຫຼວດວ່າ ໄດ້ເຂົ້າໄປຫາກິນໃນປ່າແລ້ວພົບຊົບຄົນເສຍຊີວິດ ຊຶ່ງຄາດວ່າຈະເປັນພໍ່ຕູ້ພວງທີ່ສູນຫາຍແຕ່ວັນທີ 02/10/2020,ດັ່ງນັ້ນຕອນເຊົ້າຂອງມື້

    ຕໍ່ມາ ເຈົ້າໜ້າທີ່ຈຶ່ງໃດ້ໄປກວດສອບເບິ່ງສະຖານທີ່ຕົວຈິງ ຈຶ່ງຢືນຢັນວ່າເປັນຮ່າງກາຍເສຍຊີວິດຂອງພໍ່ຕູ້ພວງແທ້,ເຊິ່ງຈຸດທີ່ພົບເຫັນຊົບຂອງພໍ່ຕູ້ພວງແມ່ນຢູ່ນອກເຂດສະຖານທີ່ທ່ອງທ່ຽວນໍ້າປຽນ ອອກໄປທາງທິດໃຕ້ ປະມານ 6 ກິໂລແມັດ.ສ່ວນສາຍເຫດການເສຍຊີວິດແມ່ນທາງເຈົ້າໜ້າທີ່ຈະມີການຖະແຫຼງຂ່າວເປັນທາງການ.ສະແດງຄວາມເສຍໃຈນໍາຄອບຄົວພໍ່ຕູ້. ແລະ ຂໍໃຫ້ສູ່ພູມພົບທີ່ດີ.ສ່ວນລາຍລະອຽດເພີ່ມເຕີມ ທາງຄອບຄົວຈະແຈ້ງໃຫ້ຮູ້ຕື່ມພາຍຫຼັງ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.