ທ່ານນາຍົກເນັ້ນໃຫ້ແພດ​ ໝໍ​ ສືບຕໍ່ປະຕິບັດວຽກງານຮັບໃຊ້ປະຊາຊົນ ດ້ວຍຈັນຍາບັນ ແລະ ຈັນຍາທຳ

    0
    234

    ທ່ານນາຍົກເນັ້ນໃຫ້ແພດ,​ ໝໍ​ ສືບຕໍ່ປະຕິບັດວຽກງານໂດຍຮັບໃຊ້ປະຊາຊົນ ດ້ວຍຈັນຍາບັນ ແລະ ຈັນຍາທຳເນື່ອງໃນໂອກາດ ທີ່ທ່ານນາຍົກ​ລັດຖະມົນຕີ​ ໄດ້ເຂົ້າຮ່ວມໂອ້ລົມຕໍ່ກອງປະຊຸມສາທາລະນະສຸກທົ່ວປະເທດ​ ຄັ້ງທີ VIII ໃນວັນທີ 29 ມັງກອນ 2021 ທີ່ນະຄອນຫຼວງວຽງຈັນຜ່ານມາ. ທ່ານ​ ທອງລຸນ​ ສີສຸລິດ​ ນາຍົກ​ລັດຖະມົນຕີ​ ໄດ້ກ່າວ

    ຍ້ອງຍໍຊົມເຊີຍ ແລະ ຂອບອົກຂອບໃຈນຳນັກຮົບເສື້ອ ຂາວ​ກໍຄືແພດ-ໝໍ​ ທຸກຄົນທີ່ໄດ້ຕັ້ງໜ້າຮັບມືກັບພະຍາດ ໂຄວິດ-19 ຈົນສາມາດຄວບຄຸມການລະບາດຂອງພະຍາດ ໂຄວິດ-19 ໄດ້ ໃນລະດັບທີ່ແນ່ນອນ ເຖິງຈະມີຜູ້ຕິດເຊື້ອ ແຕ່ກໍ່ບໍ່ມີຜູ້ເສຍຊີວິດ, ສາເຫດທີ່ພາໃຫ້ພວກເຮົາຄວບຄຸມໄດ້ກໍຍ້ອນວ່າ ລັດຖະບານສະດຸ້ງໄວຕໍ່ບັນຫາ, ເຫັນບັນຫາ

    ແຕ່ຫົວທີ, ໃຊ້ວິທີຕັດໄຟແຕ່ຕົ້ນລົມ ໂດຍໄດ້ອອກຄຳສັ່ງຫຼາຍສະບັບ ເພື່ອສະກັດກັ້ນ, ນອກຈາກນັ້ນ ການມີສ່ວນຮ່ວມເປັນຈິດໜຶ່ງໃຈດຽວຂອງປະຊາຊົນ, ສະຕິຕື່ນຕົວຂອງປະຊາຊົນ ໂດຍພ້ອມກັນປະຕິບັດມະຕິຄຳສັ່ງຢ່າງເຂັ້ມງວດ ສຳຄັນໄປກວ່ານັ້ນແມ່ນ ພະນັກງານແພດໃນທົ່ວປະເທດ ໄດ້ເອົາໃຈໃສ່ຢ່າງຕັ້ງໜ້າ, ຢ່າງບໍ່ຮູ້ອິດຮູ້ເມື່ອຍ, ເຮັດ

    ໂຄສະນາທຸກຮູບແບບລົງຮອດທ້ອງຖິ່ນຮາກຖານ.ໃນໂອກາດ ທ່ານນາຍົກຍັງໄດ້ເນັ້ນໜັກໃຫ້ພວກເຮົາຕ້ອງສືບຕໍ່ມູນເຊື້ອແພດປະຕິດວັດ ຮັບໃຊ້ປະຊາຊົນດ້ວຍ ຈັນຍາບັນ, ຈັນຍາທຳ ຖືວ່າເປັນແພດຂອງປະຊາຊົນ, ດ້ານວຽກງານວິຊາສະເພາະກໍໃຫ້ຜັນຂະຫຍາຍມະຕິຂອງ ກອງປະຊຸມໃຫ່ຍຄັ້ງທີ XI ຂອງພັກມາເປັນໂຄງການ, ເປັນແຜນງານ

    ແລະ ສາມາດຈັດຕັ້ງປະຕິບັດໄດ້.​ ທັງນີ້,​ ກໍເພື່ອເຮັດໜ້າທີ່ປະກອບສ່ວນໃນການຈັດຕັ້ງປະຕິບັດ SDG ເຊິ່ງຂະແໜງສາທາລະນະສຸກເປັນຜູ້ຮັບຜິດຊອບຫຼັກທີ່ຈະເຮັດໃຫ້ການປະຕິບັດ SDG ປະສົບຜົນສຳເລັດ ລວມທັງເປັນການປະກອບສ່ວນເຮັດໃຫ້ປະເທດຫຼຸດພົ້ນອອກຈາກສະຖານະປະເທດດ້ອຍພັດທະນາໃນອະນາຄົດ.

    ຂ່າວ: ສູນຂ່າວສານການແພດ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.