ປະເທດ ບຣາຊີລ ພົບເຫັນ ສາຍພັນຂອງໂຄວິດ ກາຍພັນຊະນິດໃໝ່ສອງກໍລະນີ

    0
    178

    ຂ່າວຕ່າງປະເທດ ເມື່ອວັນທີ 29 ມັງກອນນີ້ ໃຫ້ຮູ້ວ່າ ນັກວິທະຍາສາດຢູ່ທາງພາກໃຕ້ຂອງປະເທດ ບຣາຊີລ ໄດ້ພົບເຫັນສອງສາຍພັນກາຍພັນຊະນິດໃໝ່ຂອງໂຄວິດ-19 ຢູ່ໃນຜູ້ປ່ວຍຄົນໜຶ່ງ, ຊຶ່ງມັນເປັນສັນຍານເຕືອນບອກວ່າ ສາຍພັນກາຍພັນຊະນິດໃໝ່ ຂອງໄວຣັດໂຄໂຣນາ ນັບມື້ເພີ່ມຫຼາຍຂຶ້ນຊັກໄຊ້ ແລະ ກໍເປັນຄັ້ງທຳອິດທີ່ນັກວິທະຍາສາດ

    ພົບເຫັນພາບດຽວສອງສາຍພັນກາຍພັນຊະນິດໃໝ່ຢູ່ໃນຄົນປ່ວຍຜູ້ດຽວກັນ.ນັກວິທະຍາສາດພົບເຫັນຜູ້ປ່ວຍ 2 ຄົນ ອາຍຸ 30 ປີເທົ່າກັນ ຕິດເຊື້ອກາຍພັນ P2 (ຍັງເອີ້ນວ່າ 8.1.1.28) ໃນລັດ ຣິໂອ ເມື່ອເດືອນພະຈິກ 2020 ແລະ ຕີດເຊື້ອກາຍພັນທີສອງຂອງໄວຣັດ (ບໍ່ທັນມີຊື່ເອີ້ນ). ຜູ້ຕິດເຊື້ອເຫຼົ່ານັ້ນມີອາການເບົາບາງ ແລະ ບໍ່ຈຳເປັນ

    ຕ້ອງເຂົ້າໂຮງໝໍເພື່ອປິ່ນປົວ, ໃນນັ້ນມີກໍລະນີໜຶ່ງເກີດອາການໄອແຫ້ງ ແລະ ກໍລະນີທີສອງ ມີອາການໄອ, ເຈັບຄໍ ແລະ ເຈັບຫົວ.ກໍລະນີຕິດເຊື້ອສອງສາຍພັນດັ່ງກ່າວພ້ອມກັນ ມັນໄດ້ແຜ່ລະບາດຢູ່ໃນ ບຣາຊີລ ແລ້ວ. ໃນຂະນະດຽວກັນ ບັນດານັກວິທະຍາສາດ ເກີດຄວາມກັງວົນວ່າຈະພາໃຫ້ເກີດມີຫຼາຍສາຍພັນໃໝ່ເກີດຂຶ້ນຢູ່ກັບຄົນຜູ້ດຽວ

    ແລະ ຍິ່ງຈະເຮັດໃຫ້ມັນກາຍພັນໄປເລື້ອຍໆ.ສາຍພັນໃໝ່ນີ້ ມີຄວາມສາມາດແຜ່ຂະຫຍາຍ ຫຼື ຕິດຕໍ່ໄດ້ໄວກວ່າ ແລະ ບາງເທື່ອອາດມີຄວາມສາມາດຕ້ານກັບວັກຊີນໄດ້ ແລະ ປາກົດວ່າມັນເຮັດໃຫ້ອັດຕາການເສຍຊີວິດສູງກວ່າ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.