ດ່ານສາກົນ ປາກຊັນ-ບຶງການເກັບລາຍ ຮັບໄດ້ຫຼຸດຄາດໝາຍແຜນການ

    0
    292

    ສະເພາະປີ 2020 ຜ່ານມາ, ດ່ານພາສີສາກົນ ປາກຊັນ-ບຶງການ ແຂວງ ບໍລິຄຳໄຊ ໄດ້ຮັບຕົວເລກມອບໝາຍທັງໝົດໃນເບື້ອງຕົ້ນແມ່ນ 280 ຕື້ກວ່າກີບ, ຍ້ອນພົບຄວາມຫຍຸ້ງຍາກຈາກການລະບາດຂອງພະຍາດໂຄວິດ-19 ຂັ້ນເທິງໄດ້ດັດແກ້ການຈັດເກັບລາຍຮັບພາຍໃນດ່ານ 220 ຕື້ກວ່າກີບ, ຊຶ່ງຜ່ານການຈັດຕັ້ງປະຕິບັດຈັດເກັບຕົວຈິງ ສາມາດປະຕິບັດໄດ້ພຽງ 201 ຕື້ກວ່າກີບ, ຖ້າທຽບໃສ່ແຜນການປີໃນເບື້ອງຕົ້ນ 280 ຕື້ກີບ ເທົ່າກັບ 71,97 %, ຖ້າທຽບໃສ່ແຜນການດັດແກ້ 220 ຕື້ກີບ ເທົ່າກັບ

    91,33 %.ທ່ານ ໄຊຊະນະ ວົງຊົມພູ ຮອງຫົວໜ້າດ່ານພາສີສາກົນປາກຊັນ-ບຶງການ ແຂວງ ບໍລິຄຳໄຊ ໄດ້ໃຫ້ສຳພາດຕໍ່ສື່ມວນຊົນແຂວງ ຫວ່າງບໍ່ດົນມານີ້ ວ່າ: ສາເຫດທີ່ບໍ່ສາມາດຈັດເກັບລາຍຮັບໄດ້ຕາມ ແຜນ ແມ່ນເກີດມາຈາກຫຼາຍປັດໄຈ ເປັນຕົ້ນແມ່ນ: ການວາງໂຕເລກສູງເກີນໄປທັງໂຕເລກໃນເບື້ອງຕົ້ນ ແລະ ໂຕເລກແຜນດັດແກ້ ຖ້າທຽບໃສ່ພື້ນຖານລາຍຮັບດ່ານ, ການນຳເຂົ້າພາຫະນະໃໝ່ ແລະ ນໍ້າມັນເຊື້ອໄຟຫຼຸດລົງ ເພາະວ່າບັນດາໂຄງການລົງທຶນຂະໜາດໃຫຍ່ພາຍໃນແຂວງ ໄດ້ສຳເລັດເປັນສ່ວນໃຫຍ່,
    ຍ້ອນນິຕິກຳຂອງຂັ້ນເທິງມີການປ່ຽນແປງ ເປັນຕົ້ນແມ່ນ ກົດໝາຍວ່າດ້ວຍອາກອນຊົມໃຊ້ ສະບັບປັບປຸງ, ການປະຕິບັດແຜນຫຼຸດຜ່ອນອັດຕາພາສີ ໃນຂອບຮ່ວມມືອາຊຽນ

    ແລະຂອບສັນຍາຮ່ວມມືຕ່າງໆ ທີ່ ສປປ ລາວ ເຂົ້າຮ່ວມ, ການນຳເຂົ້າສິນຄ້າ, ເຄື່ອງອຸປະໂພກ-ບໍລິໂພກ ຕາມນະໂຍບາຍສົ່ງເສີມການລົງທຶນເຊິ່ງໄດ້ຮັບການຍົກເວັ້ນພາສີ-ອາກອນ, ຍ້ອນການລະບາດຂອງພະຍາດໂຄວິດ-19 ເຮັດໃຫ້ຜູ້ປະກອບການທຸລະກິດໄດ້ຢຸດຕິນຳເຂົ້າ-ສົ່ງອອກບາງສິນຄ້າ ຈຶ່ງເຮັດໃຫ້ດ່ານສາກົນປາກຊັນ-ບຶງການ ບໍ່ສາມາດ
    ຈັດເກັບໄດ້ຕາມແຜນການທີ່ວາງໄວ້.ທ່ານ ໄຊຊະນະ ວົງຊົມພູ ຍັງໃຫ້ຮູ້ຕື່ມອີກວ່າ: ປີ 2021 ຈະສູ້ຊົນເກັບລາຍຮັບໃຫ້ໄດ້ຕາມແຜນທີ່ວາງໄວ້ ໃນຄາດໝາຍ 361 ຕື້ກວ່າ

    ກີບ, ໂດຍຈະເພີ່ມທະວີການສຶກສາອົບຮົມການເມືອງແນວຄິດໃຫ້ພະນັກງານ, ສະມາຊິກພັກ, ເພີ່ມທະວີຄວາມເຂັ້ມງວດ, ຕິດຕາມ ແລະ ກວດກາ ການປະຕິບັດໜ້າທີ່
    ຂອງພະນັກງານທຸກພາກສ່ວນ, ແບ່ງຄວາມຮັບຜິດຊອບນັບແຕ່ຄະນະດ່ານ, ໜ່ວຍງານ ລວມເຖິງພະນັກງານວິຊາການ, ເອົາໃຈໃສ່ຕິດຕາມກວດກາ-ຄຸ້ມຄອງການເສຍພາສີໃຫ້ຖືກຕ້ອງ, ຊອກຫາຖານຂໍ້ມູນລາຍຮັບທີ່ເປັນທ່າແຮງບົ່ມຊ້ອນ, ສືບຕໍ່ປຸກລະດົມ ແລະ ຊຸກຍູ້ຜູ້ປະກອບການໃຫ້ປະຕິບັດມອບພັນທະເຂົ້າງົບປະມານ, ສືບຕໍ່ໂຄສະນາເຜີຍແຜ່ກົດໝາຍພາສີ, ມະຕິຄໍາສັ່ງຕ່າງໆກ່ຽວກັບພາສີໃຫ້ຜູ້ປະກອບການ ແລະ ບຸກຄົນເພື່ອພ້ອມກັນນໍາໄປຈັດຕັ້ງປະຕິບັດໃຫ້ມີປະສິດທິຜົນສູງ.

    ແຫຼ່ງຂໍ້ມູນ: ສື່ມວນຊົນແຂວງບໍລິຄຳໄຊ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.