ປະເທດຫວຽດນາມ ຮ່າໂນ້ຍ ອອກຄຳສັ່ງດ່ວນ ຮຽກຮ້ອງໃຫ້ຕຽມພ້ອມຕ້ານການລະບາດຂອງໂຄວິດ

    0
    197

    ລາຍງານຈາກ ຮ່າໂນ້ຍໃນມື້ນີ້ວ່າ ເຈົ້າຄອງນະຄອນຫຼວງ ຮ່າໂນ້ຍ ທ່ານ ຈູຫງອກແອັງ ໄດ້ລົງນາມໃນຄຳສັ່ງຮຽກຮ້ອງໃຫ້ບັນດາພາກສ່ວນຕ່າງໆ ຮີບຮ້ອນຄົ້ນຫາທຸກກໍລະນີທີ່ມາຈາກເຂດລະບາດຂອງພະຍາດຈາກແຂວງກວາງນິງ ແລະ ເມືອງ ຈິລິງ ແຂວງຮາຍເຢືອງ ທີ່ເຂົ້າມາ ຮ່າໂນ້ຍແຕ່ວັນທີ 14 ມັງກອນ ເພື່ອເອົາໄປກວດຫາເຊື້ອທັງໝົດ.

    ໃນຄຳສັ່ງດັ່ງກ່າວ ເຈົ້າຄອງນະຄອນຫຼວງ ຮ່າໂນ້ຍ ຮຽກຮ້ອງໃຫ້ໂຄສະນາໃຫ້ທົ່ວສັງຄົມຈັດຕັ້ງປະຕິບັດຢ່າງເຂັ້ມງວດບັນດາມາດຕະການຕ້ານ ແລະ ສະກັດກັ້ນ ການລະບາດຂອງພະຍາດໃນຮອບໃໝ່. ໃຫ້ປະຕິບັດຢ່າງເຄັ່ງຄັດຄຳຂວັນ 5k: khẩu trang( ຜ້າອັດປາກ-ດັງ), khử khuẩn(ຂ້າເຊື້ອ), khoảng cách(ໄລຍະຫ່າງ), không tụ

    tập(ບໍ່ເຕົ້າລວມກັນ) ແລະ khai báo y tế(ລາຍງານໃຫ້ແພດຮັບຊາບ). ຈຳກັດສຸດຂີດການເຕົ້າລວມຫຼາຍຄົນ, ຈຳກັດການຈັດງານຕ່າງໆ, ເປັນເຈົ້າການຄົ້ນຫາ ແລະ ລາຍງານໃຫ້ເຈົ້າໜ້າທີ່ກ່ຽວຂ້ອງຮັບຊາບ ໃນກໍລະນີເຂົ້າເມືອງຜິດກົດໝາຍ, ລ່ວງລະເມີດມາດຕະການຕ້ານ ແລະ ສະກັດກັ້ນ ພະຍາດ ຂອງລັດຖະບານ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.