ແຮງງານລາວທີ່ລັກລອບມາແບບຜິດກົດໝາຍອາດນໍາເຊື້ອໂຄວິດ ມາລະບາດຢູ່ພາຍໃນປະເທດແບບບໍ່ຮູ້ຕົວ

    0
    117

    ຄະນະສະເພາະກິດຕ້ານໂຄວິດ-19 ມີຄວາມກັງວົນຕໍ່ແຮງງານລາວ ແລະ ຕ່າງປະເທດທີ່ລັກລອບເຂົ້າມາ ສປປ ລາວແບບຜິດກົດໝາຍຊຶ່ງອາດນໍາເຊື້ອພະຍາດໂຄວິດ-19 ມາລະບາດຢູ່ໃນຂົງເຂດ ແລະ ອາດຈະແຜ່ລະບາດເປັນວົງກວ້າງຢູ່ ພາຍໃນປະເທດເພາະໃນໄລຍະທີ່ຜ່ານມາກໍ່ມີປະກົດການພົບຜູ້ຕິດເຊື້ອພະຍາດດັ່ງກ່າວມາແລ້ວທີ່ລັກລອບເຂົ້າ

    ເມືອງຕົ້ນເຜິ້ງ ແຂວງບໍ່ແກ້ວຈົນນໍາມາສູ່ການປິດເມືອງ ໂດຍສະເພາະໃນໄລຍະນີ້ແມ່ນບຸນປີໃໝ່ຊາວຈີນ ແລະ ຫວຽດນາມຊຶ່ງອາດຈະມີການລັກລອບເຂົ້າອອກຂອງແຮງງານຕ່າງປະເທດ.ທ່ານ ຮສ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກໄດ້ກ່າວເມື່ອບໍ່ດົນມານີ້ວ່າ:​ ການປ້ອງກັນແຮງງານລາວທີ່ໄປຂາຍແຮງງານຢູ່ບັນດາ

    ປະເທດອອ້ມຂ້າງ ສປປ ລາວ ໂດຍສະເພາະປະເທດທີ່ຍັງມີການແຜ່ລະບາດຂອງພະຍາດໂຄວິດ-19 ນັ້ນຖືວ່າເປັນບັນຫາໃຫຍ່ທີ່ທາງຄະນະສະເພາະກິດ ຫຼື ພາກສ່ວນທີ່ກ່ຽວຂ້ອງຕ້ອງໄດ້ເອົາໃຈໃສ່ເປັນພິເສດໂດຍສະເພາະບັນດາແຂວງທີ່ມີຊາຍແດນຕິດກັບປະເທດເພື່ອນບ້ານຕ້ອງເພີ່ມທະວີການລາດຕະເວນ ເມື່ອພົບແລ້ວຕ້ອງເອົາຕົວມາກວດຫາເຊື້ອ

    ແລະ ນໍາຕົວໄປກັກກັນກ່ອນທີ່ຈະດໍາເນີນການຕາມລະບຽບກົດໝາຍບ້ານເມືອງ.ທ່ານ ຮສ.ດຣ ພູທອນໄດ້ກ່າວຕື່ມວ່າ: ນອກນັ້ນຢາກໃຫ້ເນັ້ນຕິດຕາມພາກສ່ວນທີ່ກ່ຽວຂ້ອງເປັນຕົ້ນຜູ້ທີ່ພາລັກລອບເຂົ້າເມືອງແບບຜິດກົດໝາຍ, ບັນດາໂຮງແຮມ, ບ້ານພັກ, ຜຸ້ຂົນສົ່ງໂດຍສານ ຫຼື ຜູ້ອໍານວຍຄວາມສະດວກຕ່າງໆທີ່ເຂົ້າຄ່າຍໃນການກະທໍາຜິດ

    ກົດໝາຍ ແລະ ກະທໍາຜິດຕໍ່ລະບຽບທີ່ທາງຄະນະສະເພາະກິດວາງອອກ.ໃນໂອກາດບຸນປິໃໝ່ຊາວຫວຽດນາມ, ຊາວຈີນທີ່ຈະມາເຖິງນີ້ ອາດຈະມີການເຄື່ອນຍ້າຍແຮງງານຕ່າງປະເທດເຂົ້າອອກປະເທດແບບຜິດກົດໝາຍຈຶ່ງຮຽກຮ້ອງໃຫ້ເຈົ້າໜ້າທີ່ເອົາໃຈໃສ່ເປັນພິເສດໃນການປ້ອງກັນການລັກລອບເຂົ້າ-ອອກຕາມຊາຍແດນ.

    ຂ່າວ: ວຽງຈັນທາຍ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.