ຄວາມກ້າວໜ້າໃນວົງການແພດ ປູກຖ່າຍແຂນ ແລະໄລ່ຄັ້ງທຳອິດຂອງໂລກ

    0
    184

    ຊາຍຊາວໄອແລນໄດ້ຮັບການຜູກຖ່າຍແຂນ ແລະຄູ່ທຳອິດຂອງໂລກ ຫຼັງຈາກທີ່ເມື່ອ 20 ປີຜ່ານມາຊາຍຄົນດັ່ງກ່າວໄດ້ປະສົບອຸບັດຕິເຫດຢ່າງຮ້າຍແຮງ ແລະແພດຕ້ອງຕັດແຂນສອງຂ້າງຖີ້ມ ເພື່ອຄວາມປອດໄພຂອງຊີວິດ.

    ຊາຍຜູ້ໂຊກດີຄົນທຳອິດຂອງໂລກມີຊື່ວ່າ ເຟລິກໄວ 48 ປີ ຕອນນີ້ຮ່າງກາຍລາວກຳລັງຟື້ນຕົວຢ່າງວ່ອງໄວຫຼັງຈາກທີ່ໄດ້ຮັບການຜ່າຕັດປູກຖ່າຍແຂນ ແລະໄລ່ທີ່ໃຊ້ເວລາຍາວນານເຖິງ 14 ຊົ່ວໂມງ ເມື່ອບໍ່ດົນມານີ້ທີ່ພາກໃຕ້ໃນປະເທດຝຣັ່ງ ເຊິ່ງເຫັນວ່າການຜ່າຕັດຜ່ານໄປດ້ວຍດີ ແລະປະສົບຜົນສຳເລັດເປັນທີ່ໜ້າພໍໃຈ.
    ຜົນສຳເລັດຄັ້ງນີ້ບໍແມ່ນເປັນພຽງຜົນງານຂອງປະເທດຝຣັ່ງເທົ່ານັ້ນ ແຕ່ເປັນປະຫວັດສາດໃໝ່ໃນວົງການແພດຂອງໂລກ ທີ່ທີມແພດສາມາດປ່ຽນຖ່າຍແຂນ ແລະຫົວໄລ່ສອງຂ້າງໃນມະນຸດໄດ້ສຳເລັດ ຢ່າງໃດກໍ່ຕາມທີມແພດທີມແພດຍັງຄົງຕ້ອງຕິດຕາມຜົນຢ່າງໃກ້ຊິດ ແລະຫວັງວ່າຈະສາມາດຟື້ນຕົວໄປເຖິງຂັ້ນຍົກຂໍ້ສອກຂອງຕົນເອງໄດ້.

    ການຜ່າຕັດຄັ້ງນີ້ເປັນຄວາມຝັນທີ່ຍິ່ງໃຫຍ່ທີ່ສຸດຂອງ ເຟລິກ, ເຊວເວຍ ເມຍຂອງເຟລິກກ່າວວ່າ ຜົວຂອງຕົນຄອຍວັນຄອຍຄືນຢາກຈະເລີ່ມຕົ້ນຊີວິດໃໝ່ອີກຄັ້ງໜຶ່ງ ເຖິງແມ່ນຕອນນີ້ລາວຍັງບໍ່ສາມາດອອກໄປໃຊ້ຊີວິດປົກກະຕິໄດ້ກໍ່ຕາມ ແຕ່ລາວເອງກໍ່ມີຄວາມຫວັງ ແລະມີຄວາມສຸກທີ່ສຸດ ເຊິ່ງຈາກນີ້ໄປຕ້ອງໃຊ້ເວລາໃນການພັກຟື້ນເຖິງ 3 ປີຈິ່ງຈະຮູ້ຜົນງານການຜ່າຕັດຄັ້ງນີ້.

    ໃນອະດີດເຟລິກ ເປັນຊ່າງໄຟຟ້າທີ່ຕ້ອງເຮັດວຽກກັບສາຍໄຟຟ້າແຮງສູງ ແຕ່ເມື່ອ 23 ປີກ່ອນ ຄືວັນທີ 23 ມັງກອນ 1993 ລາວຖືກໄຟຟ້າ 11.000 ໂວນຊັອດມືຂະນະທີ່ກຳລັງປະຕິບັດໜ້າທີ່ ຈິ່ງເຮັດໃຫ້ຕົກລົງມາຈາກເສົາໄຟ ຈົນເຟລິກຕ້ອງນອນໂຄມ່າໃນຫ້ອງໄອຊີຢູດົນເຖິງ 3 ເດືອນ ແລະສຸດທ້າຍແຂນສອງຂ້າງຕ້ອງຖືກຕັດຖີ້ມໄປເນື່ອງຈາກເສຍຫາຍເກີນກວ່າຈະແກ້ໄຂໄດ້.

    ສຳລັບການຜ່າຕັດຄັ້ງນີ້ຕ້ອງໃຊ້ເວລາຫຼາຍປີໃນການຫາຜູ້ບໍລິໂພກທີ່ເໝາະສົມ ແລະຕ້ອງອາໄສທີມຜ່າຕັດເຖິງ 4 ທີມ ແລະບຸກຄະລາກອນການແພດກວ່າ 50 ຄົນເຂົ້າມາກ່ຽວຂ້ອງໃນຂັ້ນຕອນທີ່ແສນຊັບຊ້ອນ ຈິ່ງປະສົບຜົນສຳເລັດ.

    ທັ້ງນີ້ທີມແພດກ່າວວ່າ ຫຼັງການຜ່າຕັດເຊື່ອວ່າເຟລິກຈະສາມາດກັບຄືນມາໃຊ້ຊີວິດເປັນປົກກະຕິໄດ້ອີກຄັ້ງໜຶ່ງ ແຕ່ກໍ່ບໍ່ອາດຄາດເດົາຜົນຂ້າງຄຽງໃນອະນາຄົດໄດ້ ຫາກທີມແພດໃຫ້ການຢືນຢັນວ່າພ້ອມຈະດູແລເຟລິກໄປຕະຫຼອດຊີວິດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.