ຊົມເຊີຍການກະໂດດຂັ້ນ! ປູເປ້ ເລີ່ມສອນເທັນນິສໃຫ້ເດັກນ້ອຍຕ່າງປະເທດແລ້ວ ຕັ້ງແຕ່ນ້ອຍໆ (ຄລິບ)

    0
    151

    ເປັນການພັດທະນາອັນໂດດເດັ່ນຂອງ ນາງ ອາລິຍາ ວົງດາລາ ຫຼື ນ້ອງ ປູເປ້ ນັກເທັນນິສເຍົາວະຊົນລາວທີ່ສ້າງຜົນງານໂດດເດັ່ນຫຼາຍໆລາຍການໃຫ້ກັບ ສປປ ລາວ ຕະຫຼອດຫຼາຍປີທີ່ຜ່ານມາ ຫຼ້າສຸດເມື່ອວັນທີ 22 ມັງກອນ 2021 ແອັດມິນໄດ້ມີໂອກາດພົບກັບ ນ້ອງປູເປ້ ເຊິ່ງນ້ອງໄດ້ສອນການຫຼິ້ນເທັນນິສຂັ້ນພື້ນຖານໃຫ້ກັບ ເດັກນ້ອຍຊາວ ເກົາຫຼີ 2 ຄົນທີ່ມາຮຽນນໍາ ທີ່ສະໜາມເທັນນິສອາໂນໄທ ບ້ານດົງນາໂຊກ.

    ເຊິ່ງປູເປ້ ບອກວ່າ: ໄດ້ເລີ່ມສອນເດັກນ້ອຍ ເກົາຫຼີ ທີ່ສະໜາມເທັນນິສອາໂນໄທ ແລະ ຫຼັງຈາກນັ້ນ 17 ໂມງກໍຈະເປັນເວລາຊ້ອມຂອງຕົວເອງ ເພື່ອກຽມພ້ອມເຂົ້າຮ່ວມແຂ່ງຂັນລາຍການຕ່າງໆ.

    ຂະນະທີ່ ພໍ່ຂອງປູເປ້ ບອກວ່າ ປູເປ້ ເລີ່ມໄປຊ້ອມເອງແລ້ວ ແຕ່ລະມື້ແມ່ນຂີ່ລົດຖີບໄປເອງ ເຊິ່ງຊ້ອມແຕ່ວັນຈັນ-ວັນສຸກ ທີ່ສະໜາມອາໂນໄທ ໄດ້ໃຫ້ການສະໜັບສະໜູນສະຖານທີ່ການຝຶກຊ້ອມໃຫ້ກັບ ປູເປ້ ເພື່ອກຽມພ້ອມເຂົ້າຮ່ວມລາຍການຕ່າງໆທັງພາຍໃນ ແລະ ຕ່າງປະເທດ.

    ສໍາລັບ ປູເປ້ ເກີດເມື່ອວັນທີ 17 ກໍລະກົດ 2005 ທີ່ນະຄອນຫຼວງວຽງຈັນ ປັດຈຸບັນຮຽນຢູ່ ມັດທະຍົມສົມບູນ ຊະນະພົນ ເຊິ່ງກາຍເປັນນັກເທັນນິສເຍົາວະຊົນຍິງດ່ຽວ ມື 1 ຂອງ ສປປ ລາວ ນັບຕັ້ງແຕ່ລຸ້ນອາຍຸ 10, 12 ແລະ 14 ປີອີກດ້ວຍຕະຫຼອດຫຼາຍປີທີ່ຜ່ານມາ ສ່ວນອັນດັບໃນປະເທດໄທ ເປັນມື 1 ລຸ້ນ 10, ມື 13 ຂອງລຸ້ນ 12 ແລະ ມື 112 ລຸ້ນ 14 ປີ ຂະນະທີ່ ອັນດັບເຍົາວະຊົນໃນ ສະຫະພັນເທັນນິສອາຊຽນ ປູເປ້ ເຄີຍເປັນມືທີ 306 ໃນລຸ້ນອາຍຸ 14 ປີ ເພາະໃນລະດັບນີ້ແມ່ນຈະນັບລຸ້ນອາຍຸ 14 ປີຂຶ້ນໄປ.

    ສ່ວນລາຍການໂດດເດັ່ນທີ່ສຸດຂອງ ປູເປ້ ຄືເປັນນັກເທັນນິສເຍົາວະຊົນລາວຄົນທໍາອິດທີ່ສາມາດຄວ້າແຊ້ມລາຍການທີ່ປະເທດຝຣັ່ງ ລາຍການ Tournoi TC Lupian 2019.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.