ຍ້ອນຈີນ ຕິດໂຄວິດ ລັກລອບເຂົ້າບໍ່ແກ້ວ ເຮັດໃຫ້ໂຮງຮຽນທົ່ວແຂວງຕ້ອງໂຈະການຮຽນ

    0
    307

    ໃນວັນທີ 22 ມັງກອນ 2021 ພະແນກສຶກສາທິການ ແລະ ກິລາ ແຂວງບໍ່ແກ້ວ ໄດ້ອອກແຈ້ງການ ສະບັບເລກທີ 0106 ເລື່ອງ: ການເລື່ອນເວລາເຂົ້າຮຽນຂອງຊັ້ນອະນຸບານ ແລະ ປະຖົມທົ່ວແຂວງ.

    ເນື່ອງຈາກມີຂ່າວຄົນຈີນທີ່ຕິດເຊື້ອພະຍາດໂຄວິດ ແລ້ວລັກລອບເຂົ້າມາແຂວງບໍ່ແກ້ວ ດັ່ງນັ້ນ, ເພື່ອເປັນການປ້ອງກັນ ແລະ ຄວບຄຸມການລະບາດຂອງເຊື້ອພະຍາດໂຄວິດບໍ່ໃຫ້ລະບາດເຂົ້າສູ່ໂຮງຮຽນ ພະແນກສຶກສາທິການ ແລະ ກິລາ ແຂວງບໍ່ແກ້ວ

    ຈຶ່ງແຈ້ງການເລື່ອນເວລາເຂົ້າຮຽນຂອງຊັ້ນລ້ຽງເດັກ, ອະນຸບານ ແລະ ປະຖົມສຶກສາທົ່ວແຂວງ ທັງພາກລັດ ແລະ ເອກະຊົນ ໄປເຂົ້າໃນວັນທີ 1 ກຸມພາ 2021 ພ້ອມຊັ້ນມັດທະຍົມສຶກສາ.

    ພ້ອມເນັ້ນໃຫ້ທາງໂຮງຮຽນ, ຄູອາຈານ ແນະນຳເຂັ້ມງວດນັກຮຽນຕົນເອງໃຫ້ປະຕິບັດມາດຕະການປ້ອງກັນເຊັ່ນ: ຮັກສາໄລຍະຫ່າງ, ໃສ່ຜ້າອັດປາກດັງທຸກຄັ້ງກ່ອນອອກຈາກເຮັດ, ໝັ່ນລ້າງມືໃຫ້ສະອາດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.