ລາວ ພົບ 2 ຄົນທຳອິດ ຕິດເຊື້ອໂຄວິດໃນປີ 2021 ຕົວເລກສະສົມ 43 ຄົນ

    0
    480

    ໃນວັນທີ 22 ມັງກອນ 2021 ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ພ້ອມຄະນະ ລາຍງານກ່ຽວກັບການເຝົ້າລະວັງ, ປ້ອງກັນ ແລະ ຄວບຄຸມ ພະຍາດໂຄວິດ-19 ຢູ່ປະເທດລາວ, ໂດຍເພິ່ນໄດ້ແຈ້ງຜົນກວດວິເຄາະຈາກຕົວຢ່າງທີ່ເກັບໄປກວດໃນວັນທີ 21 ມັງກອນ 2021.

    ລາວພົບຜູ້ຕິດເຊື້ອເພີ່ມ 2 ຄົນຄື: ຜູ້ທີ 1 ເພດຍິງ ອາຍຸ 33 ປີ ເປັນຄົນລາວ ອາຊີບກຳມະກອນທີ່ເດີນທາງມາຈາກປະເທດໄທ ເຂົ້າມາຜ່ານດ່ານຊ່ອງເມັກ-ວັງເຕົ່າ ແຂວງຈຳປາສັກ ດ້ວຍລົດຕູ້ ເຊິ່ງພາຍໃນລົດຕູ້ແມ່ນມີຜູ້ໂດຍສານດ້ວຍກັນ 8 ຄົນ ແຕ່ທັງໝົດແມ່ນຖືກຈຳກັດກັກບໍລິເວນຢູ່ສູນ;

    ສ່ວນຜູ້ທີ 2 ແມ່ນເພດຊາຍ ອາຍຸ 29 ປີ ເປັນຄົນຈີນ ຜູ້ກ່ຽວເດີນທາງມາຈາກແມ່ສາຍ ຊຽງລາຍ ປະເທດໄທ ແລະ ເດີນທາງເຂົ້າໂດຍຂີ່ເຮືອນ້ອຍຂ້າມນໍ້າຂອງ ຜ່ານຫ້ວຍຊາຍ ແຂວງບໍ່ແກ້ວ ແລ້ວມາພັກຢູ່ໂຮງແຮມຢູ່ບໍ່ແກ້ວ 1 ຄືນ ແລະ ໄດ້ເໝົາລົດຈາກບໍ່ແກ້ວມາແຂວງ ຫຼວງນໍ້າທາ ແລ້ວມາພັກຢູ່ບ້ານພັກແຫ່ງໜຶ່ງຢູ່ເມືອງຫຼວງນໍ້າທາ ແຂວງຫຼວງນໍ້າທາ.

    ຈາກລວມຕົວເລກຜູ້ຕິດເຊື້ອສະສົມໃນທົ່ວປະເທດກ່ອນໜ້ານີ້ ຈາກ 41 ຄົນໃນປີ 2020 ມາໃນປີ 2021 ລວມອີກ 2 ຄົນຫຼ້າສຸດນີ້ ຕົວເລກສະສົມປະຈຸບັນ 43 ຄົນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.