ແຮງງານລາວເສຍຊີວິດຄາບ່ອນນອນກັບຢາສູບໄຟຟ້າທີ່ປະເທດໄທ

0
202

ເຮັດໃຫ້ຊາວບ້ານພາກັນແຕກຕື່ນ, ຫລັງຊາຍຫນຸ່ມຄົນລາວເສຍຊີວິດແບບບໍ່ຮູ້ສາເຫດໃນຫ້ອງເຊົ່າ, ທີມແພດຕ້ອງລົງພື້ນທີ່ນຳສານຄັດຫລັ່ງໄປກວດຫາເຊື້ອໂຄວິດ-19 ຢ່າງຮີບດ່ວນ.

ເມື່ອເວລາ 13.30 ມ ຂອງວັນທີ 19/01/2021 ຕຳຫລວດເມືອງຊົນບູລີໄດ້ຮັບແຈ້ງເຫດມີຄົນເສຍຊີວິດໃນພື້ນທີ່,ຈຶ່ງຮີບພາກັນລົງພື້ນທີ່ເກີດເຫດພ້ອມກັບປະສານຫາທີມແພດ ແລະ ກູ້ໄພ, ທີ່ເກີດເຫດພົບຊາຍຊື່ຈອນນີ້ອາຍຸ 24 ປີ, ສັນຊາດລາວນອນເສຍຊີວິດຢູ່ບໍລິເວນກາງຫ້ອງ, ມີຜ້າຫົ່ມປົກໄວ້, ກວດເບິ່ງຂ້າງບ່ອນນອນຍັງພົບຫນ້າກາກອານາໄມ ກັບຢາສູບໄຟຟ້າ ແລະ ນ້ຳຢາສູບໄຟຟ້າວາງຢູ່.

ຈາກການສອບຖາມທ້າວຕຸ້ຍສັນຊາດລາວ ຫມູ່ຂອງຜູ້ເສຍຊີວິດເລົ່າວ່າ: ຕົນເອງໄປເຮັດວຽກແລ້ວບໍ່ເຫັນຈ່ອນນີ້ມາເຮັດວຽກເລີຍຈະມາເອີ້ນ, ພໍມາຮອດຫ້ອງໄດ້ເອີ້ນແຕ່ບໍ່ມີສຽງຕອບຮັບ, ຈຶ່ງໄດ້ເອີ້ນອ້າຍຂອງຈ່ອນນີ້ມາປຸກແຕ່ກໍ່ຍັງມິດຢູ່ເລີຍຕັດສິນໃຈງັດປະຕູພໍເປີດເຂົ້າໄປພົບວ່າຍັງນອນຫົ່ມຜ້າຢູ່ ແຕ່ເມື່ອເຂົ້າໄປປຸກກໍພົບວ່າເສຍຊີວິດແລ້ວ. ກ່ອນຫນ້ານີ້ຈອນນີ້ໄດ້ສັ່ງຊື້ຢາສູບໄຟຟ້າມາຈາກເພຈໃນເຟສບຸກມາສູບ, ຍັງບໍ່ທັນຮອດເດືອນກໍ່ຈົ່ມວ່າມັກແໜ້ນໜ້າເອິກ ແລະ ຫາຍໃຈບໍ່ອອກ.

ທາງດ້ານແພດຂອງໂຮງຫມໍຊົນບູລີໄດ້ມີການນຳສານຄັດຫລັ່ງຈາກຮູດັງໄປກວດສອບ, ຈາກທີ່ຊາວບ້ານລະແວງຢ້ານວ່າສາເຫດຊີມາຈາກເຊື້ອພະຍາດໂຄວິດ-19 ແລະຍັງເປັນແຮງງານຕ່າງດ້າວອີກ. ພ້ອມຈະນຳຮ່າງໄປສັນລະສູດຢ່າງລະອຽດກ່ອນຈະສົ່ງໃຫ້ພີ່ນ້ອງຮັບໄປຊາປະນາກິດຕາມຮີດຄອງປະເພນີຕໍ່ໄປ.
ຂໍສະແດງຄວາມເສຍໃຈນຳຄອບຄົວຜູ້ສູນເສຍ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.