ເຕືອນພີ່ນ້ອງຜູ້ຢູ່ເຂດພູສູງ 18-20 ມັງກອນນີ້ ອາກາດຈະໜາວເຢັນລົງ 1 ຫາ 3ອົງສາ

    0
    835

    ກົມອຸຕຸນິຍົມ ແລະ ອຸທົກກະສາດຄາດຄະເນສະພາບອາກາດ ໃນໄລຍະວັນທີ 18-24 ມັງກອນ 2021 ອາກາດຍັງຈະໜາວເຢັນລົງ 1 ຫາ 3 ອົງສາ ພ້ອມມີລົມພັດແຮງເປັນບາງໂອກາດໃນແຕ່ລະພາກ; ຂະນະດຽວກັນ ໃນໄລຍະວັນທີ 21-24 ມັງກອນ 2021 ອາກາດຈະອຸ່ນຂຶ້ນຢູ່ທົ່ວໄປໃນແຕ່ລະພາກ ແຕ່ສະພາບອາກາດຍັງຫນາວເຢັນຫຼາຍຢູ່ແຂວງພາກເຫນືອ, ເຂດພູສູງ ແລະ ພູດອຍ, ແຂວງໄຊສົມບູນ ແລະ ເຂດພູພຽງບໍລິເວນ.

    ອີງຕາມບົດລາຍງານສະພາບອາກາດ ແລະ ລະດັບນໍ້າ ໃນໄລຍະວັນທີ 11-17 ມັງກອນ 2021 ແລະ ຄາດຄະເນສະພາບອາກາດ ໃນໄລຍະວັນທີ 18-24 ມັງກອນ 2021 ຂອງກົມອຸຕຸນິຍົມ ແລະ ອຸທົກກະສາດ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ເລກທີ 0046/ກອຕທ, ລົງວັນທີ 18 ມັງກອນ 2021 ໃຫ້ຮູ້ວ່າ:

    ໃນໄລຍະວັນທີ 18 – 20 ມັງກອນ 2021 ມວນອາກາດຫນາວເຢັນຈາກປະເທດຈີນຈະເພີ່ມກໍາລັງແຮງ ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວອີກເທື່ອໃຫມ່, ສົມທົບກັບລົມມໍລະສຸມຕາເວັນອອກສ່ຽງເຫນືອພັດປົກຄຸມ.

    ເຊິ່ງຈະເຮັດໃຫ້ອຸນຫະພູມອາກາດໂດຍທົ່ວໄປຫນາວເຢັນລົງ 1 ຫາ 3 ອົງສາ ຢູ່ໃນແຕ່ລະພາກ ໂດຍສະເພາະຢູ່ ເຂດພູສູງ, ພູດອຍ ແລະ ຮ່ອມພູ ເຊັ່ນ: ບັນດາແຂວງພາກເຫນືອ, ແຂວງໄຊສົມບູນ ແລະ ເຂດພູພຽງບໍລະເວນ ອາກາດຈະຫນາວເຢັນຫຼາຍ ພ້ອມມີຝົນຕົກຄ່ອຍຢູ່ບາງທ້ອງຖີ່ນ ແລະ ຈະມີລົມພັດແຮງເປັນບາງໂອກາດໃນແຕ່ລະພາກ.

    .

    ຈາກນັ້ນ ວັນທີ 21 – 24 ມັງກອນ 2021 ມວນອາກາດເຢັນຈະປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບລົມຕາເວັນອອກສ່ຽງເຫນືອພັດປົກຄຸມ ເຊິ່ງຈະເຮັດໃຫ້ອາກາດອຸ່ນຂື້ນຢູ່ທົ່ວໄປໃນແຕ່ລະພາກ, ແຕ່ສະພາບອາກາດຍັງຫນາວເຢັນຫຼາຍຢູ່ແຂວງພາກເຫນືອ, ເຂດພູສູງ ແລະ ພູດອຍ, ແຂວງໄຊສົມບູນ ແລະ ເຂດພູພຽງບໍລິເວນ ພ້ອມມີຫມອກຫນາປົກຫຸ້ມຢູ່ທົ່ວໄປໃນຕອນກາງຄືນ ຫາ ຕອນເຊົ້າ ພ້ອມມີລົມພັດແຮງເປັນບາງ ໂອກາດຢູ່ບາງທ້ອງຖີ່ນ.

    ທີ່ມາ ຫນັງສືພິມເສດຖະກິດການຄ້າ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.