ເກີດເຫດເສົ້າ! ລົດໂດຍສານປີ້ນຢູ່ເມືອງທ່າປາງທອງ ມີຜູ້ບາດເຈັບສາຫັດ 30ກວ່າຄົນ

0
182

ໃນວັນທີ 18 ມັງກອນ 2020 ເວລາປະມານ 9:00ໂມງ ທີ່ຂົວຫ້ວຍລະຄຶ ເມືອງທ່າປາງທອງ ແຂວງສະຫວັນນະເຂດ ເກີດເຫດລົດປີ້ນ ມີຜູ້ບາດເຈັບສາຫັດ 31ຄົນ ແລະ ເສຍຊີວິດ 1 ຄົນ.

ຜູ້ໃຊ້ເຟສບຸກຊື່ ນາງ ຈັນສະໝອນ ສິຣິທະສັກ ລາຍງານໃຫ້ຮູ້ວ່າ: ອ້າຍນ້ອງທະຫານ ກອງພັນທີ່4 ໄດ້ອອກຊ່ວຍເຫຼືອ ອຸປະຕິເຫດລົດປີ້ນຢູ່ ຂົວຫ້ວຍລະຄຶ ເມືອງ ທ່າປາງທອງ ແຂວງ ສະຫວັນນະເຂດ. ເຊິ່ງມີຈຳນວນຜູ້ໂດຍສານໃນລົດແມ່ນ 32ຄົນ ບາດເຈັບສາຫັດ 31ຄົນ, ເສຍຊີວິດຄາທີ່1ຄົນ ເປັນເດັກນ້ອຍອາຍຸປະມານ 5-6ປີ.

ລົດໂດຍສານຄັນດັ່ງກ່າວແມ່ນເດີນທາງມາຈາກບ້ານແດນ ເມືອງທ່າປາງທອງ ກຳລັງສິໄປທາດໂພ່ນ; ໃນລົດມີເດັກນ້ອຍອາຍຸຕ່ຳກວ່າ10ປີ ຫຼາຍກວ່າ5ຄົນ. ແນວໃດກໍ່ຕາມ ຂໍໃຫ້ຜູ້ບາດເຈັບທັງ31ຄົນປອດໄພ.

ທັ້ງນີ້ ຜູ້ໃຊ້ເຟສບຸກຊື່ດັ່ງກ່າວລາຍງານເພີ່ມຕື່ມວ່າມີຄົນເສຍຊີວິດເພີ່ມອີກ 1ຄົນ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.