ນັບຖືໃຈໜຸ່ມນ້ອຍຄົນນີ້ ໜ້າຕາອາດບໍ່ຄືນາຍແບບຄົນອື່ນ ແຕ່ກັບເປັນຈຸດເດັ່ນບໍ່ແມ່ນຈຸດດ້ອຍ ອາລີ້ ສິດທິໄຊ ບໍລິຈັກ

0
212

ຂໍນຳສະເໜີເລື່ອງລາວ ທີ່ເຊື່ອແນ່ວ່າສ້າງແຮງບັນດານໃຈໃນອີກມຸມໜຶ່ງຂອງຊີວິດ ໃນວົງການບັນເທີງ ແລະ ໃນຊີວິດທຳມະດາເຮົາໄດ້ ເປັນເລື່ອງຂອງໜຸ່ມໄວ 19 ປີ ອາລີ້ ສິດທິໄຊ ບໍລິຈັກ ຫຼາຍຄົນຄົງເຄີຍເຫັນໃນງານບັນເທີງຕ່າງໆ ທີ່ໜຸ່ມຄົນນີ້ຂຶ້ນເດີນແບບໂຊຄືຄົນອື່ນ ເຊິ່ງຈຸດທີ່ແຕກຕ່າງກໍຄືໃບໜ້າທີ່ເປັນຮອຍແປ້ວ (ແຜເປັນ) ເນື່ອງຈາກອຸປະຕິເຫດຕັ້ງແຕ່ນ້ອຍ ແຕ່ສິ່ງນັ້ນກໍບໍ່ໄດ້ເຮັດໃຫ້ໜຸ່ມຄົນນີ້ຢຸດທີ່ຈະຝັນໃນວົງການບັນເທີງແຕ່ຢ່າງໃດ

ອາລີ້ ໄດ້ໃຫ້ສຳພາດວ່າ ມີຄົນເວົ້າໃຫ້ຫຼາຍ ເນື່ອງຈາກໜ້າຕາບໍ່ຕອບໂຈດແກ່ວົງການບັນເທີງ ແຕ່ບໍ່ເຄີຍທໍ້ເພາະທຸກຄົນມີສິດທິ່ຈະເຮັດໃນສິ່ງທີ່ມັກ ຂໍພຽງເຮົາພະຍາຍາມສູ້ຕໍ່ໄປ. ຄິດກັບຄົນຈຳນວນນີ້ເລີຍວ່າ ບໍ່ໃຫ້ໂອກາດຄົນ ແລະ ຈະບໍ່ຮ່ວມງານກັບຄົນທີ່ເບີ່ງກັນທີ່ພາຍນອກ ທີ່ຈະເປີດກ້ວາງໃຫ້ ໂອກາດຄົນທີ່ຈະເຮັດໃນສິ່ງທີ່ມັກ ເຖິງວ່າຈະມີຮູບຮ່າງໜ້າຕາທີ່ຕ່າງກັນ ຫຼື ມີຈຸດທີ່ອາດບໍ່ຄືຄົນອື່ນ ແຕ່ຫົວໃຈ ກໍຮັກ ແລະ ມັກຄືກັນ

ອາລີ້ ມີກຳລັງໃຈຢາກເຂົ້າວົງການເພາະເປັນຄົນມັກຮັກດ້ານນິແລະຢາກຈະສະແດງໂຊຄວາມສາມາດໃຫ້ຄົນອຶ່ນເຫັນວ່າຄົນທີ່ເປັນຄືເຮົາກະມີດີ
ເຂົ້າວົງການເອງໂດຍປະກວດມາຫຼາຍເວທີ, ຄົນຮູ້ຈັກໃນນາມ The survival laos, ຜົນງານຜ່ານມາ ສະແດງຊີຣີຮັກນີ້ມີເຄຍ,ເດີນແບບ Lao fashion week ແລະງານເດີນແບບຕ່າງໆ ຖ່າຍແບບ ແລະ ໄດ້ລາງວັນພິເສດເປັນ ambassador ຮ້ານ The BarBer Lao

ໃນອານາຄົດ ທາງຜູ້ໃຫຍ່ຕິດຕໍ່ເລື່ອງຜ່າຕັດ ສັນຍາກຳໃຫ້ຢູ່ ແຕ່ຕອນນີ້ຖ້າການຄອນເຊີມຈາກທາງຜູ້ໃຫຍ່ເພີ່ນອີກ ແລະ ກໍເລື່ອງການແພ່ລະບາດໂຄວິດແນ່ເຮັດໃຫ້ມີປັນຫາ ເຊິ່ງນີ້ກໍເປັນກຳລັງ ແລະ ຄວາມຫວັງໜຶ່ງທີ່ ອາລີ້ ກໍຢາກໄດ້ ແລະ ຢາກເຫັນຕົນເອງຕອນທີ່ໜ້າຕາບໍ່ມີຕຳນິແລ້ວ

ອາລີ້ຄິດວ່າ ທຸກຄົນສາມາດມີຄວາມຝັນ ແລະ ໄປເຖິງໝັ້ນໄດ້ ບໍ່ວ່າຈະເປັນແບບໃດ ພຽງແຕ່ຫາໂຕເອງໃຫ້ເຫັນ ວ່າມັກຮັກແບບໃດ ຢາກເຮັດ ຢາກເປັນຫຍັງ ແລ້ວຖ່າຍທອດສິ່ງນັ້ນອອກມາດ້ວຍຄວາມຕັ້ງໃຈ, ອົດທົນພະຍາຍາມ ແນ່ນອນບໍ່ມີໃຜຮັກເຮົາໝົດ ເຊັ່ນດຽວກັນກັບ ບໍ່ມີໃຜຈະມາຊັງເຮົາໝົດ ທຸກຄົນຍ່ອມມີທັງມຸມຄົນຮັກຄົນບໍ່ມັກປະປົນກັນໄປ ຈົ່ງສູ້ຕໍ່ໄປເດີ້

ປັດຈຸບັນ ອາຍຸ 19 ປີ ຮຽນຢູ່ ມຊ ຄະນະວິທະຍາສາດສັງຄົມ ສາຂາການທ່ອງທ່ຽວ ປີ1
ຝາກຕິດຕາມຜົນງານ ກໍຈະມີການຖ່າຍແບບ ເດີນແບບ ຕ່າງໆໄດ້ທາງເຟດບຸກ Alee Borichack

ຈາກ: Alee Borichack

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.