ບໍ່ຮູ້ເຈົ້າຂອງຈຳເປັນຂົນຄວາຍກັບບ້ານ

0
185

ບ້ານເຮົາເມື່ອກ່ອນແມ່ນມີຍາມນາ, ຍາມປ່ອຍສັດ ແຕ່ທຸກວັນນີ້ຈະລ້ຽງສັດຕ້ອງຄັງ, ມີຟາມເປັນຂອງຕົນເອງ ບໍ່ດັ່ງນັ້ນຕ້ອງກຸ້ມຕົນເອງເລື່ອງສັດລ້ຽງບໍ່ໃຫ້ໄປກໍ່ບັນຫາໃຫ້ສັງຄົມຄື ເສັ້ນທາງດ່ວນປະຈຸບັນທີ່ຍັງບໍ່ແກ້ບໍ່ຕົກ.

ເສັ້ນທາງດ່ວນວຽງຈັນ-ວັງວຽງນັບແຕ່ເປີດບໍລິການເປັນທາງການມາ ແມ່ນເຫັນຂ່າວອຸບັດຕິເຫດເກີດຂຶ້ນເລື້ອຍ ສ່ວນໜຶ່ງເປັນຍ້ອນຂັບໄວເກີນເຫດໂຄ້ງບໍທັນອັນນີ້ບໍ່ວ່າກັນ ແຕ່ອີກຈຳນວນບໍ່ໜ້ອຍຕ້ອງມາເສຍຫຼັກເພາະສັດລ້ຽງຂອງປະຊາຊົນທີ່ບໍໄດ້ກັກຂັງ.

ດັ່ງເຫດການທີ່ເກີດຂຶ້ນໃນຄືນວັນທີ 15 ມັງກອນ 2021 ລົດທີ່ແລ່ນຢູ່ທາງດ່ວນກໍ່ເກີດອຸບັດຕິເຫດເສຍຫາຍໜັກສົມຄວນ ເບິ່ງສະພາບລົດຄົງເສຍເງິນບໍ່ໜ້ອຍກ່ອນຈະໄດ້ລົດຄັນເກົ່າກັບຄືນມາ ຫລັງຈາກເກີດເຫຕຳຄວາຍ 5 ໂຕ.

ເພື່ອແກ້ໄຂບັນຫານີ້ປະຊາຊົນທີ່ຢູ່ລຽບຕາມທາງດ່ວນຕ້ອງເປັນເຈົ້າການຮ່ວມກັນ ເຖິງແມ່ນເຈົ້າຂອງສັດຈະບໍ່ອອກມາຮັບຜິດຊອບໃນລະຫວ່າງເກີດເຫດແຕ່ກໍບໍໝາຍຄວາມວ່າເຈົ້າຂອງສັດຈະບໍສູນເສຍຫຍັງ ກົງກັນຂ້າມເຈົ້າຂອງສັດຈະເສຍທັງເວລາ ແລະຊັບສິນໃນໂຕສັດໄປລ້າໆໂດຍບໍ່ໄດ້ຫຍັງ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.