ແມນຢູ ຈົກ 25 ລ້ານເອີໂຣ ຄວ້າປີກດາວເດັ່ນຈາກ ອັດຕາລັນຕ້າ ເຊັນສັນຍາ 5 ປີ!!

0
107

ແມນເຊັສເຕີ ຢູໄນເຕັດ ບັນລຸເປົ້າໝາຍໄດ້ ອາໝັດ ເດວໂລ້ ຕຣາໂອເຣ່ ປີກດາວເດັ່ນໄວ 18 ປີ ຊາວກົດດີວົວ (ໄອໂວຣີໂຄ໊ດ) ຈາກສະໂມສອນ ອັດຕາລັນຕ້າ ທີມດັງໃນ ເຊຣີອາ ອີຕາລີ ດ້ວຍຄ່າຕົວ 25 ລ້ານເອີໂຣ ແລະ ຈະເພີ່ມເປັນ 40 ລ້ານເອີໂຣ ຖ້າຜົນງານດີ ເຊັນສັນຍາ 4 ປີ ພ້ອມເງື່ອນໄຂຕໍ່ສັນຍາອີກ 1 ປີ ກາຍເປັນນັກເຕະຄົນທຳອິດທີ່ ແມນຢູ ໄດ້ມາເສີມທັບໃນຕະຫລາດຊື້-ຂາຍນັກເຕະຮອບ

2 ແລະ ໄລຍະນຳໃຊ້ກົດ Brexit ຢ່າງເປັນທາງການໃນປີ 2021 ເປັນຕົ້ນໄປ ເມື່ອອັງກິດແຍກຕົວຈາກສະຫະພາບເອີຣົບ ຫລື EU ແຕ່ຍັງພົວພັນຮ່ວມມືກັນເໝືອນເດີມ ແຕ່ຢູ່ພາຍໃຕ້ກົດເກນກົນໄກໃຫມ່ ສະເພາະການຊື້ນັກເຕະເຂົ້າສູ່ອັງກິດ ຕ້ອງມີອາຍຸບໍ່ຕໍ່າກວ່າ 18 ປີ ເພາະກົດເກົ່າແມ່ນ 16 ປີ.

ສຳລັບ ອາໝັດ ເດວໂລ້ ຕຣາໂອເຣ່ ເປັນນັກເຕະເຕີບໂຕມາຈາກ ອາຄາເດມີ້ຂອງ ອັດຕາລັນຕ້າ ກ້າວຂຶ້ນທີມຊຸດໃຫຍ່ໃນລະດູການຜ່ານມາ ແລະ ໄດ້ລົງຫລິ້ນໃນ ຢູຟ້າ ແຊ້ມປ້ຽນລີກ ລະດູການນີ້ ຈຸດເດັ່ນຄືມີເຕັກນິກ ທັກສະດີ ແລະ ວ່ອງໄວ.

Photo: Atalanta FC

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.