ເຕືອນຜູ້ປ່ວຍທີ່ບໍ່ຄວນກິນກະທຽມ

0
299

ຫົວຜັກທຽມ ຫຼື ທີ່ເອີ້ນກັນວ່າກະທຽມ ພວກເຮົາຮູ້ກັນດີວ່າເປັນຢາດີຫຼາຍຢ່າງ ທັ້ງຍັງເປັນສ່ວນປະກອບຂອງອາຫານໃນຊີວິດປະຈຳວັນຂອງທຸກຄົວເຮືອນ ແຕ່ສຳລັບສະໝູນໄພທຸກຊະນິດມັກຈະແອບແຝງດ້ວຍຄຸນ ແລະໂທດສະເໝີ ໂດຍສະເພາະ ຜູ້ປ່ວຍ 5 ພະຍາດນີ້ ຫ້າມກິນເດັດຂາດ ຖ້າກິນຈະເຮັດໃຫ້ອາການປ່ວຍຊຸດໂຊມລົງໄດ້.

1.ຜູ້ປ່ວຍກ່ຽວກັບຕັບ : ໂດຍທາດບາງຢ່າງຂອງກະທຽມ ສາມາດສົ່ງຜົນຕໍ່ການຢັບຢັ້ງການກະຕຸ້ນນ້ຳຍ່ອຍໃນລະບົບລຳໄສ້ ເຮັດໃຫ້ອາຫານຕົກຄ້າງໃນລະບົບຍ່ອຍອາຫານ ທີ່ເປັນອັນຕະລາຍຕໍ່ກັບຜູ້ປ່ວຍຕັບອັກເສບ ໂດຍຈະມີອາການບ້ວນທ້ອງ ແລະ ປວດຮາກ

2.ຜູ້ປ່ວຍທີ່ມີອາການຖອກທ້ອງທີ່ບໍ່ໄດ້ມີສາເຫດມາຈາກການຕິດເຊື້ອແບັດທີເຣຍ : ຜູ້ທີ່ກຳລັງຖອກທ້ອງບໍ່ຄວນບໍລິໂພກກະທຽມດິບ ເພາະລົດເຜັດຮ້ອນຂອງກະທຽມຈະໄປກະຕຸ້ນໃຫ້ລຳໄສ້ຜະລິດເຫຍື່ອເມືອກອອກມາ ແລະເກີດການບວມນ້ຳໃນລະບົບລຳໄສ້ຫຼາຍຂຶ້ນ ທີ່ບໍໄດ້ເປັນຜົນດີຕໍ່ຜູ້ທີ່ກຳລັງຖອກທ້ອງ

3.ຜູ້ທີ່ກຳລັງກຽມຜ່າຕັດ : ຜູ້ປ່ວຍທີ່ກຳລັງຈະເຂົ້າຫ້ອງຜ່າຕັດ ຄວນງົດບໍລິໂພກກະທຽມຢ່າງນ້ອຍ 2 ອາທິດ, ເນື່ອງຈາກວ່າ ຈະເຮັດໃຫ້ເລືອດໄຫຼບໍ່ເຊົາ
4.ຜູ້ປ່ວຍຄວາມດັນເລືອດຕ່ຳ : ມີຄວາມເປັນໄປໄດ້ວ່າກະທຽມ ຈະຍິ່ງເຮັດໃຫ້ຄວາມດັນເລືອດຕ່ຳລົງ, ຊຶ່ງບໍ່ດີຕໍ່ກັບຜູ້ທີ່ມີພາວະຄວາມດັນເລືອດຕ່ຳຢູ່ແລ້ວ

5.ຜູ້ປ່ວຍທີ່ມີບັນຫາເລື່ອງດວງຕາ : ບໍ່ຄວນບໍລິໂພກກະທຽມຫຼາຍຈົນເກີນໄປ ສຳລັບ ຜູ້ປ່ວຍທີ່ມີບັນຫາທາງດວງຕາ ແລະຕັບ, ເນື່ອງຈາກວ່າ ທຸກໆອາຫານ ຫາກບໍລິໂພກຫຼາຍກໍຈະມີສ່ວນສົ່ງຜົນຕໍ່ກັບຮ່າງກາຍຂອງເຮົາຢູ່ດີ, ສະນັ້ນ ຄວນບໍລິໂພກໃຫ້ພໍດີ ແລະບໍລິໂພກສິ່ງອື່ນໆ ເພື່ອໃຫ້ຮ່າງກາຍໄດ້ຮັບສານອາຫານທີ່ພຽງພໍຈະດີທີ່ສຸດ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.