ລົດຕຳໝາ ຢູ່ທາງດ່ວນອີກແລ້ວ ແຕ່ສັງຄົມຕຳນິທາງດ່ວນຝ່າຍດຽວ ບໍ່ຕຳນິຄົນຂັບລົດ

0
320

ຕອນແລງຂອງວັນທີ 5 ມັງກອນ 2021 ເກີດເຫດອຸປະຕິເຫດຢູ່ທາງດ່ວນອີກແລ້ວ ຍ້ອນ ໝາ ແລ່ນຕັດໜ້າລົດໃຫຍ່ ເຮັດໃຫ້ລົດຕຳເອົາໝາແບບເຕັມເຮັດໃຫ້ໝາກບາດເຈັບສາຫັດ. ສ່ວນລົດໃຫຍ່ທີ່ຕຳໝາແມ່ນຍີ່ຫໍ້ມັສດ້າ ເຊິ່ງໂກບໜ້າ ແລະ ຕາໄຟລົດເບື້ອງຂວາ ແຕກ ແລະ ເປ່ເພ ຈຶ່ງເຮັດໃຫ້ເກີດມີຫາງສຽງວິພາກວິຈານກ່ຽວກັບທາງດ່ວນອີກຄັ້ງ.

ເພາະທາງດ່ວນນອກຈາກຈະມີໝາແລ້ວ ຍັງມີສັດເຊັ່ນ: ແບ້, ງົວ ແລະ ຄວາຍ ແລະ ອື່ນໆ ແລ່ນຂ້າມທາງ ພ້ອມທາງມີຄົນຍ່າງ ຕາມແຄມທາງ ແລະ ມີເດັກນ້ອຍແລ່ນຫຼີ້ນຕາມແຄມທາງ, ບາງຄັ້ງກໍ່ມີລົດຂອງກຸ່ມຄົນຮູ້ເທົ່າບໍ່ເຖິງການ ຈອດແຄມທາງແລ້ວມາເຕັ້ນຖ່າຍຄຣິບກໍ່ມີ. ຄວາມໄວທາງດ່ວນເພິ່ນອອກແບບໃຫ້ແລ່ນແຕ່ວຽງຈັນ-ອຸມົງພູພະ ກຳນົດແຕ່ 80 ກິໂລແມັດຕໍ່ຊົ່ວໂມງ ແລະ ແຕ່ອຸມົງພູພະ ຫາ ວັງວຽງ ແມ່ນກຳນົດ 100 ກິໂລແມັດຕໍ່ຊົ່ວໂມງເທົ່ານັ້ນ.

ສ່ວນເລື່ອງສັດກໍ່ພໍຮູ້ວ່າ ທາງດ່ວນເພິ່ນຍັງຈົ່ງທາງຂຶ້ນລົງ ເພື່ອໃຫ້ປະຊາຊົນບ້ານໃກ້ຄຽງໄດ້ມີທາງຂຶ້ນລົງ ຈຶ່ງບໍ່ໄດ້ອ້ອມຮົ້ວໃນຈຸດນັ້ນ ເພາະຖ້າເພິ່ນອ້ອມຮົ້ວໝົດປະຊາຊົນກໍ່ຈະມີສຽງຈົ່ມວ່າຂຶ້ນອີກ ດັ່ງນັ້ນຈຶ່ງອາດເຮັດໃຫ້ມີສັດທີ່ປະຊາຊົນລ້ຽງເຂົ້າມາຍ່າງຢູ່ກາງທາງດ່ວນ ແລະ ອາດພາໃຫ້ເກີດອຸປະຕິເຫດໄດ້. ແຕ່ອຸປະຕິເຫດທີ່ເກີດຂຶ້ນເອງຍ້ອນຜູ້ຂັບຂີ່ບໍ່ຮູ້ອີ່ໂນ່ອີ່ເນ່ ບໍ່ຮູ້ກົດລະບຽບຂອງການທາງດ່ວນ ແລ້ວຈະມາໂທດທາງດ່ວນຢ່າງດຽວກໍ່ບໍ່ໄດ້ ໂຕນີ້ທຸກຝ່າຍຕ້ອງມີສະຕິຮ່ວມກັນ ບໍ່ຄວນຕຳນິພຽງຝ່າຍໃດຝ່າຍໜຶ່ງ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.