ພຽງ 10 ມື້ ປີ 2021 ທົ່ວປະເທດລາວເຮົາ ມີ ຜູ້ຕິດໄຂ້ຍຸງລາຍ ເຖິງ 24 ຄົນ.

0
816

ພະຍາດ ໄຂ້ຍຸງລາຍ ເປັນພະຍາດໜຶ່ງທີ່ເປັນອັນຕະລາຍ ແລະ ພາໃຫ້ເກີດມີຜູ້ເສຍຊີວິດຈຳນວນຫຼາຍໃນແຕ່ລະປີ ແລະ ຢູ່ປະເທດລາວເຮົາ ກໍ່ຍັງມີຍອດຜູ້ຕິດເຊື້ອຫຼາຍ ຫຼ້າສຸດສະເພາະໃນວັນທີ 4 ມັງກອນ 2021 ມື້ດຽວ ສປປ ລາວ ເຮົາ ແມ່ນ ມີຜູ້ຕິດເຊື້ອທັງໝົດ 2 ກໍລະນີ.

ນັບແຕ່ວັນທີ 26 ທັນວາ 2020 ເຖິງວັນທີ 4 ທັນວາ 2021 ເປັນເວລາພຽງ 10 ມື້ ທົ່ວປະເທດລາວມີຜູ້ຕິດເຊື້ອໄຂ້ຍຸງລາຍ ທັງໝົດ 24 ຄົນ ໃນ 8 ແຂວງ, ໃນນັ້ນແຂວງທີ່ມີການລາຍງານຫຼາຍກວ່າໝູ່ແມ່ນ ນະຄອນຫຼວງວຽງຈັນ ເຊິ່ງມີເຖິງ 12 ຄົນ, ຖັດລົງມາແມ່ນ ເຊກອງ 5 ຄົນ, ສະຫວັນນະເຂດ 2 ຄົນ, ຫຼວງພະບາງ 1 ຄົນ, ຫຼວງນ້ຳທາ 1 ຄົນ, ສາລະວັນ 1 ຄົນ, ອັດຕະປຶ 1 ຄົນ ແລະ ຄຳມ່ວນ 1 ຄົນ ). ຈຳນວນຜູ້ເສຍຊີວິດ ຍ້ອນພະຍາດໄຂ້ຍຸງລາຍມີ ທັງໝົດ 00 ຄົນ.

ພະຍາດໄຂ້ຍຸງລາຍ ເປັນພະຍາດທີ່ປ້ອງກັນໄດ້ ໂດຍການຮ່ວມມືກັນ ແລະ ການລົງມືເຮັດ ຂອງພໍ່ແມ່ປະຊາຊົນເອງ ໂດຍການປະຕິບັດ 5 ປໍຄື: ປິດຝາພາຊະນະເກັບນໍ້າຢູ່ໃນເຮືອນ ແລະ ນອກເຮືອນ ເພື່ອບໍ່ໃຫ້ຍຸງມາໄຂ່ໃສ່; 2. ປ່ຽນນໍ້າຖ້ານຈອກ, ນໍ້າຮອງຕີນຕູ້, ນໍ້າໃນໂຖດອກໄມ້ ແລະ ອື່ນໆ; 3. ປ່ອຍປາ ຫາງນົກຍຸງ ເພື່ອກິດໜອນນໍ້າ; 4. ປັບປຸງ ອະນາໄມອ້ອມແອ້ມເຮືອນຂອງທ່ານ ບໍ່ໃຫ້ມີກະໂປະ, ກະປ໋ອງ, ຮ່ອງລະບາຍນໍ້າ ແລະ ຕີນລົດເກົ່າ; 5. ປະຕິບັດຕະຫຼອດປະຈຳທຸກອາທິດ ແລະ ຖ້າເປັນໄຂ້ໃຫ້ຮີບໄປປິ່ນປົວຢູ່ໂຮງໝໍ.

ພ້ອມນີ້ຕ້ອງນອນໃນມຸ້ງ ແລະ ໃຫ້ປະຕິບັດຢ່າງເຂັ້ມງວດ ແລະ ຕໍ່ເນື່ອງ ເພື່ອຫຼຸດຜ່ອນໂຕຍຸງທີ່ນຳເຊື້ອ ພະຍາດໄຂ້ຍຸງລາຍ ຖ້າຫາກບໍ່ມີໂຕຍຸງທີ່ເປັນພາຫະນຳເຊື້ອພະຍາດ ປະຊາຊົນກໍ່ຈະບໍ່ມີຄວາມສ່ຽງຕໍ່ການຕິດເຊື້ອ ແລະ ເສຍຊີວິດຍ້ອນພະຍາດໄຂ້ຍຸງລາຍ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.