ສໍາເລັດອີກໜຶ່ງລາຍການທີ່ແຂວງຈໍາປາສັກ ບານເຕະຍິງຢູ 15 ຊີງຂັນ ສຕລ ໄດ້ບົດສະຫຼຸບແລ້ວ

    0
    134

    ການແຂ່ງຂັນບານເຕະຍິງ ຮຸ່ນອາຍຸບໍ່ເກີນ 15 ປີ ຊີງຂັນ ສະຫະພັນບານເຕະແຫ່ງຊາດລາວ (ສຕລ) ປະຈຳປີ 2020 ຢູ່ທີ່ແຂວງຈຳປາສັກ ເມື່ອວັນທີ 03 ມັງກອນ 2021 ເປັນການແຂ່ງຂັນ ຮອບຊີງຊະນະເລີດ ປາກົດວ່າ: ມສ ຂົວຕະພານ ເສຍໃຫ້ ປານີພອນ 0-1 ໂດຍປານີພອນ ໄດ້ປະຕູຈາກ: ສຸກຕາວັນ ຈຳປາທອງ ນາທີ 42

    ສະຫລຸບແຂ່ງຂັນບານເຕະຍິງ ຮຸ່ນອາຍຸບໍ່ເກີນ 15 ປີ ຊີງຂັນ ສະຫະພັນບານເຕະແຫ່ງຊາດລາວ ປະຈຳປີ 2020
    – ອັນດັບ 1 ປານີພອນ ໄດ້ຮັບເງິນສົດ ສີ່ລ້ານກີບ ແລະ ຂັນ 1 ຫນ່ວຍ.

    – ອັນດັບ 2 ມສ ຂົວຕະພານ ໄດ້ຮັບເງິນສົດ ສອງລ້ານກີບ.

    – ອັນດັບ 3 ເມືອງປາກຊ່ອງ ໄດ້ຮັບເງິນສົດ ຫນຶ່ງລ້ານຫ້າແສນກີບ.

    – ກຳມະການດີເດັ່ນ ທ່ານ ອານຸລັກ ອິນທະວົງ ໄດ້ຮັບເງິນສົດສາມແສນກີບ.

    – ນັກກິລາດີເດັ່ນ ນາງ ຄອນສະຫວັນ ວົງຄຳແກ້ວ ຈາກ ມສ ຂົວຕະພານ ໄດ້ຮັບເງິນສົດສາມແສນກີບ.

    – ນັກກິລາຍິງປະຕູສູງສຸດ ນາງ ແປ໋ວມະນີ ແກ້ວດວງຕາ ຈາກ ເມືອງປາກຊ່ອງ ຍິງໄດ້ 10 ປະຕູ ໄດ້ຮັບເງິນສົດສາມແສນກີບ.

    ຂໍ້ມູນຈາກ: ສະຫະພັນບານເຕະແຫ່ງຊາດລາວ