ໄທມື້ດຽວຕິດເຊື້ອກວ່າ 700 ລາຍ, ໂຮງງານໜ້າເປັນຫ່ວງ

0
239

ຕາມລາຍງານຂອງເວັບໄຊຂ່າວສົດໃຫ້ຮູ້ມື້ນີ້ຢູ່ປະເທດໄທ ພົບຜູ້ປ່ວຍໃໝ່ລວມ 700 ກວ່າລາຍໃນນັ້ນ 500 ກວ່າຄົນພົບໃນໂຮງງານແຫ່ງໜຶ່ງ ເຊິ່ງຕອນນີ້ຕ້ອງລະມັດລະວັງເປັນພິເສດ.

ຕາມຖະແຫຼງຂ່າວຂອງທາງການໄທມື້ນີ້ 4 ມັງກອນ 2021 ໃຫ້ຮູ້ວ່າ: ມື້ນີ້ເອງໄທພົບຜູ້ປ່ວຍໂຄວິດ-19 ໃໝ່ຫຼາຍເຖິງ 745 ຄົນ ເຮັດໃຫ້ຍອດຜູ້ຕິດເຊື້ອສະສົມເພີ່ມເປັນ 8.439 ຄົນແລ້ວ ແລະ ເສຍຊີວິດໃໝ່ມື້ນີ້ 1 ຄົນລວມຍອດຜູ້ເສຍຊີວິດເປັນ 65 ລາຍ.

ຂ່າວລາຍງານຕື່ມວ່າ ທີ່ພົບເຫັນຜູ້ຕິດເຊື້ອຈຳນວນຫຼາຍຄືດັ່ງກ່າວເນື່ອງຈາກໄດ້ມີການສຸ່ມກວດໂຮງງານແຫ່ງໜຶ່ງໃນຈັງຫວັດສະມຸດສາຄອນທີ່ມີຜູ້ຕິດເຊື້ອເຖິງ 500 ກວ່າກໍລະນີ ເນື່ອງຈາກແຮງງານຢູ່ລວມກັນເປັນຈຳນວນຫຼາຍ.

ສຳລັບປະເທດໄທມາຮອດປະຈຸບັນນີ້ມີຜູ້ປ່ວຍຢາຍຢູ່ 54 ຈັງຫວັດ ໃນນັ້ນ 28 ຈັງຫວັດເປັນພື້ນທີ່ຄວບຄຸມສູງສຸດ ເຊິ່ງຂະນະນີ້ສິ່ງທີ່ໜ້າຫ່ວງແມ່ນການເດີນທາງຂອງພໍ່ແມ່ປະຊາຊົນໄປຍັງຈັງຫວັດຕ່າງໆ ນັ້ນອາດຈະເປັນຈຸດແຜ່ເຊື້ອໄດ້ຈິ່ງຕ້ອງມີການກວດຈັບຢ່າງເຄັ່ງຄັດ, ຮູ້ແບບນີ້ແລ້ວພີ່ນ້ອງຊາວລາວຢູ່ເມືອງໄທກໍ່ຈົ່ງມີຄວາມລະມັດລະວັງໃນການໃຊ້ຊີວິດ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.