ບໍ່ໜ້າເຊື່ອນັບແຕ່ເດືອນພະຈິກທີ່ຜ່ານມາຮອດປັດຈຸບັນ ແມນຢູ ຄອງອັນດັບ 1 ໃນລີກໄດ້ເຖິງ 5 ຢ່າງ.

0
162

ເປັນອີກຂໍ້ມູນທີ່ໜ້າສົນໃຈ ສໍາລັບ ແມນເຊັສເຕີ ຢູໄນເຕັດ ສ້າງຜົນງານດີທີ່ສຸດໃນພຣີເມຍລີກ ອັງກິດ ໃນຫຼາຍຢ່າງ ນັບຕັ້ງແຕ່ນັດທີ່ເສຍໃຫ້ກັບ ອາເຊນອລ 0-1 ເມື່ອວັນທີ 1 ພະຈິກ ທີ່ຜ່ານມາ.

ຈົນກະທັ້ງຫຼ້າສຸດເປີດບ້ານເອົາຊະນະ ແອັສຕັນ ວິລລາ 2-1 ເມື່ອວັນທີ 1 ມັງກອນ ທີ່ຜ່ານມາ ເຮັດໃຫ້ພວກເຂົາບໍ່ເສຍໃຫ້ກັບທີມໃດໃນລີກ 10 ນັດຕິດຕໍ່ກັນ ພ້ອມກັບເກັບຄະແນນເພີ່ມເປັນ 33 ຄະແນນ ຈາກ 16 ນັດ ເທົ່າກັບ ລິເວີພູລ ທີ່ເປັນທີມນໍາອີດດ້ວຍ ພຽງແຕ່ປະຕູໄດ້ເສຍໜ້ອຍກວ່າ.

ເຊິ່ງໄດ້ມີການຄໍານວນແລ້ວວ່າ: ແມນເຊັສເຕີ ຢູໄນເຕັດ ກາຍເປັນທີມທີ່ມີຜົນງານດີທີ່ສຸດໃນລີກຫຼາຍໆຢ່າງ ນັບຕັ້ງແຕ່ພວກເຂົາເສຍໃຫ້ກັບ ອາເຊນອລ ໄປເບິ່ງ 5 ຢ່າງທີ່ແມນເຊັສເຕີ ຢູໄນເຕັດ ເຮັດໄດ້ດີທີ່ສຸດໃນລີກນັບແຕ່ເດືອນພະຈິກ ທີ່ຜ່ານມາຈົນຮອດປັດຈຸບັນມີດັ່ງນີ້:

1.ຈໍານວນຄະແນນທີ່ເກັບໄດ້ສູງສຸດເຖິງ 26 ຄະແນນ ຢູ່ອັນດັບ 1 ເມື່ອທຽບກັບທີມໃນລີກ
2.ຈໍານວນນັດທີ່ຊະນະ 8 ນັດ ຢູ່ອັນດັບ 1 ເມື່ອທຽບກັບທີມໃນລີກ
3.ຈານວນນັດທີ່ເສຍ 0 ນັດ ຢູ່ອັນດັບ 1 ຮ່ວມ ເມື່ອທຽບກັບທີມໃນລີກ

4.ຈໍານວນປະຕູທີ່ຍິງໄດ້ 24 ປະຕູ ຢູ່ອັນດັບ 1 ເມື່ອທຽບກັບທີມໃນລີກ
5.ຈໍານວນຄັ້ງທີ່ຍິງເຂົ້າເປົ້າ 65 ຄັ້ງ ຢູ່ອັນດັບ 1 ເມື່ອທຽບກັບທີມໃນລີກ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.