ແຟນເກົ່າກຳລັງຈະແຕ່ງງານ..ຢາຍບັດເຊີນໃຫ້ຂ້ອຍພ້ອມບອກໃຫ້ໄປຮ່ວມງານນຳ (ເລື່ອງເລົ່າຊິວີດຈີງ)

0
1953

ສະບາຍດີແອັດມິນ, ຂ້ອຍໄດ້ຮັບບັດເຊີນຈາກແຟນເກົ່າ ຄວນໄປດີບໍ່? ເລຶ່ອງກະມີຢູ່ວ່າ: ຂ້ອຍລົມກັບຍິງຄົນໜຶ່ງທີ່ເຮັດວຽກບ່ອນດຽວກັນໄດ້ປະມານ 2 ປີ ຕອນລົມກັນກະຮູ້ສຶກດີແທ້ ມາວຽກກໍ່ໄດ້ມາເຫັນໜ້າກັນ ໄດ້ມາພົບກັນ ໄດ້ໄປກິນເຂົ້ານຳກັນ ບາງມື້ເລີກວຽກກະໄດ້ໄປຊຸມແຊວ ຫຼື ກິນເຂົ້າແລງນຳກັນ ຊ່ວງທີ່ລົມກັນກະຮູ້ສຶກດີ ຂ້ອຍກະເອົາໃຈທຸກຢ່າງ ຈາກທີ່ເປັນຜູ້ຊາຍທີ່ບໍ່ຄ່ອຍໄດ້ເອົາໃຈເກັ່ງ ຂ້ອຍກໍ່ເລີ່ມປ່ຽນແປງໂຕເອງກະຍ້ອນໄດ້ມາຮູ້ຈັກກັບຄຳວ່າຮັກ

ຕອນທີ່ເລີ່ມຈະລົມກັນນັ້ນແມ່ນຍ້ອນຖືກຄົນຮ່ວມງານເຢີ້ຍນີ້ລະ ເຢີ້ຍໄປເຢີ້ຍມາລະກໍ່ມັກກັນ ແຕ່ຈຸດເສຍຂອງຂ້ອຍນັ້ນ ຈະເປັນຄົນທີ່ເວລາຮັກໃຜແລ້ວຈະຮູ້ສຶກຫຶງເຂົາ ຮູ້ສຶກຢາກຢູ່ນຳຕະຫຼອດແຕ່ລາວເປັນຄົນທີ່ມັກໃຫ້ຫຶງປານໃດ
ວັນເວລາຜ່ານໄປໄວປານຂີ້ຕວົະ..

ເມື່ອທຸກຢ່າງອິ່ມໂຕ ມັນກະເລີ່ມກາຍມາເປັນສິ່ງທີ່ບໍ່ຄ່ອຍມີຄວາມໝາຍ ລາວເປັນຄົນງາມ ຂ້ອຍຮູ້ວ່າມີຫຼາຍຄົນມາລົມນາງ ຍ້ອນບໍ່ຢາກເສຍເຂົາໄປ ເລີຍພະຍາຍາມເຮັດທຸກສິ່ງຢ່າງເພຶ່ອດຶງເຂົາໄວ້ ແຕ່ຍິ່ງເຮັດໄປເຂົາກໍ່ຍິ່ງລຳຄານ ເປັນຍ້ອນເຂົາໝົດໃຈ ຫຼື ເຮົາເຮັດລົ້ນກາຍໄປກັນແທ້
ແລ້ວຈຸດຈົບກໍ່ມາເຖິງ ມື້ໜຶ່ງທີ່ຈັບໄດ້ວ່າເຂົາໄປກັບອີກຄົນ ຂ້ອຍກໍ່ສໍ້ລາວເຕັມທີ່ ໃນທີ່ສຸດລາວກໍ່ບອກວ່າລາວມັກຄົນທີ່ອາຍຸຫຼາຍກວ່າ ຂ້ອຍອາຍຸ 23 ລາວ 25 ແລ້ວລາວກໍ່ໄປຄົບກັບອີກຄົນທີ່ອາຍຸ 32 ທີ່ມີຄວາມໝັ້ນຄົງ ແລະ ຖານະການເງິນພ້ອມກວ່າ ຂ້ອຍກະງົງ ອົດສາເຮັດໂຕດີມາຕະຫຼອດ

ສຸດທ້າຍເຫດຜົນທີ່ເລີກຍ້ອນຕົນອາຍຸນ້ອຍກວ່າ ຄິດແລ້ວໂຄດຢາກຫົວ ອາຍຸນ້ອຍກະຜິດ..ຕອນນັ້ນຂ້ອຍເສຍໃຈຫຼາຍ ລາວມາຂໍເປັນໝູ່ນຳຂ້ອຍ ແຕ່ຂ້ອຍປະຕິເສດ
ນັບແຕ່ນັ້ນມາ ຂ້ອຍບໍ່ສາມາດສູ້ໜ້າເຂົາໄດ້ ຈາກທີ່ເຄີຍປ່ຽນແປງໂຕເອງມາເປັນຄົນທີ່ເອົາໃຈເກັ່ງ ຂ້ອຍກະກັບຄືນເຂົ້າສູ່ໂໝດເກົ່າ ກັບມາເປັນຄົນເດີມໆ ເຫັນລາວຢູ່ທາງໃດ ຂ້ອຍຕ້ອງຍ່າງອ້ອມກາຍໄປໄກໆ ມີບາງເທຶ່ອຕອນທີ່ຍ່າງສວນທາງກັນ ຊ່ວງທຳອິດລາວຈະຫຼົບໜ້າຄືກັນ ແຕ່ຊ່ວງຫຼັງໆລາວກໍ່ພະຍາຍາມແນມເບິ່ງເຮົາ ແຕ່ເຮົາກໍ່ທຳທ່າບໍ່ເຫັນ ຫຼົບໜ້າແລ້ວຍ່າງກາຍໄປ ມີບາງມື້ລາວພະຍາຍາມເວົ້ານຳ ແລະ ເວົ້າຢອກແຕ່ຂ້ອຍບໍ່ສາມາດເວົ້າກັບລາວໄດ້ປົກກະຕິ
ຜ່ານໄປ 1 ປີ ຂ້ອຍກໍ່ບໍ່ໄດ້ຮູ້ສຶກເຈັບບໍ່່ໄດ້ຮູ້ສຶກຮັກຫຍັງກັບລາວແລ້ວ ບໍ່ໄດ້ຄຽດ ຫຼື ແຄ້ນຫຍັງແລ້ວ ແຕ່ວ່າຂ້ອຍກໍ່ບໍ່ມີຫຍັງຈະເວົ້ານຳລາວຄືກັນ

ໃນໃຈກະໃຫ້ອະໄພລາວໃດ້ ເພາະຄິດໄດ້ວ່າ ເຂົາສົມຫວັງແລ້ວ ເຮົາຈະມາໂສກເສົ້າຈົມກັບອະດີດເຮັດຫຍັງ ແລ້ວຂ້ອຍກໍ່ທຳໃຈໄດ້ ແຕ່ຂ້ອຍກະຍັງບໍ່ທັນໄດ້ມີໃຜເທຶ່ອ..ແຕ່ມາວັນໜຶ່ງເຂົາເອົາຊອງບັດເຊີນແຕ່ງງານມາຢາຍຢູ່ບ່ອນເຮັດວຽກ ແລ້ວຍືນໃຫ້ຂ້ອຍພ້ອມ ພ້ອມທັງເວົ້າວ່າ ໄປເດີ້.
ຂ້ອຍຊຶງແລະປາກຫຍັງບໍ່ອອກ ຫົວໃຈເຕັ້ນແຮງຂື້ນ ຈົນເຮັດຫຍັງບໍ່ເປັນ ໃນໃຈເລີ່ມຮູ້ສຶກເປັນຫງອຍໆ ອີກຄັ້ງ ຂ້ອຍບໍ່ຮູ້ຈະຕອບຫຍັງ ມີແຕ່ຈັບເອົາບັດນຳລາວ ແລ້ວລາວກະອອກໄປ

ຝາກຖາມແອັດມິນວ່າ ເຮົາຄວນຈະໄປດີບໍ່? ເພາະກະຍັງລັງເລວ່າຈະໄປ ຫຼື ບໍ່ ເພາະໃນໃຈກະໃຫ້ອະໄພລາວແລ້ວ ຖ້າເຮົາໄປເຂົາຈະດີໃຈບໍ່? ເປັນຫຍັງເຂົາຄືກ້າເອົາບັດມາໃຫ້ເຮົາ? ຖ້າເຮົາບໍ່ໄປເຂົາຈະວ່າຫຍັງບໍ່?

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.