ງາມແທ້ໆສາວອຸດົມໄຊ ໂນລາ ອິນທິລາ ຄຸນພະຈັນສີ ດີກຣີນັກຮຽນນອກ.

    0
    425

    ງາມແທ້ໆສາວອຸດົມໄຊ “ຮູ້ຈັກ ອິນທິລາ ຄຸນພະຈັນສີ” ຫຼື “ໂນລາ ດີກຣີນັກຮຽນນອກ ທີ່ກຳລັງຈະມີຜົນງານໃໝ່ ໃນໄວໆນີ້

    ສຳລັບ ໂນລາ ປັດຈຸບັນ ອາຍຸ 19 ປີ ເເລະ ກໍາລັງສຶກສາທີ່ ສປ ຈີນ ຄະນະບໍລິຫານການທ່ອງທ່ຽວ ປີທີ 1 ກິດຈະກໍາທີ່ມັກເຮັດຄືມັກລອຍນໍ້າ ແລະ ຫລິ້ນໂຍຄະ ເພາະຮູ້ສຶກຜ່ອນຄາຍທຸກຄັ້ງທີ່ໄດ້ເຮັດໄດ້.

    ທີ່ຜ່ານມາ, ເຄີຍຝາກຜົນງານໃນວົງການບັນເທີງມາແລ້ວ ຕອນອາຍຸ 16 ປີ ໂນລາ ເຄີຍສະແດງຮູບເງົານໍາ Una Studio ເລື່ອງບັງບົດເປັນເລື່ອງທໍາອິດເລີຍທີ່ໄດ້ສະແດງ ຮັບບົດເປັນນາຍຫມໍທີ່ສາມາດທໍານາຍອະນາຄົດຫລືຊ່ວຍຕົວຫລັກແກ້ບັນຫາໄດ້ ເລື່ອງບັງບົດນີ້ເປັນເລື່ອງຄວາມເຊື່ອເກົ່າແກ່ຂອງຊາວບັງບົດ ທີ່ເປັນຄວາມເຊື່ອເລື່ອງມິຕິລີ້ລັບ ທີ່ຕິດພັນກັບຄົນລາວເຮົາມາດົນນານມາແລ້ວ.

    ໂນລາຍັງໃຫ້ສຳພາດ ກ່ຽວກັບຄວາມຮູ້ສຶກທຳອິດທີ່ໄດ້ສະແດງນຳວ່າ:

    “ຖ້າຖາມວ່າຍາກບໍ່ກໍຍາກຢູ່ຮາຮາ ບໍ່ມີປະສົບການດ້ານນີ້ມາກ່ອນເລີຍ ແຕ່ກໍໄດ້ມີການຝຶກຝົນເລື່ອງຫລຸດຄວາມຕື່ນເຕັ້ນເມື່ອຢູ່ຫນ້າກ້ອງ ເພາະແນ່ນອນຄັ້ງທຳອິດກໍມີເຂີນກ້ອງຫລາຍຍັງບໍ່ພຽງແຕ່ຖ່າຍຮູບເງົາ ຜູ້ກ່ຽວຍັງເຄີຍຖ່າຍສາລະຄະດີກັບ Una Studio ແລະຖ່າຍແບບໃຫ້ນໍ້າກັດຍໍລະປາອີກດ້ວຍ.”

    .

    ຫຼ້າສຸດໄດ້ເຂົ້າປະກວດໃນເວທີນາງສາວລາວ 2020 ແລະ ສາມາດໄດ້ເຂົ້າຮອບ 15 ຄົນສຸດທ້າຍ

    .

    ພ້ອມທັງປີໜ້າຈະເຫັນຜົນງານໃໝ່ໃນໄວໆນີ້ແນ່ນອນ ມາລຸ້ນນຳກັນວ່າເພິ່ນຈະມີຜົນງານໃດໃຫ້ເຮົາໄດ້ຮັບຊົມ ຮັບຮອງວ່າສົມການລໍຄອຍ!
    ທັງງາມ ແລະ ເກັ່ງແບບນີ້ ຢາກຮູ້ຈັກ ແລະ ໄປສ່ອງແລ້ວແມ່ນບໍ່?

    FB: inthila khounphachansy

    ຈາກ: muan.la