ບາຣຊ້າ ພາດໂອກາດຄວ້າ 3 ຄະແນນ ຖືກ ເອບ້າ ແບ່ງຄະແນນຄັ້ງທຳອິດ! ລາລີກ້າ ນັດສົ່ງທ້າຍປີ 2020.

0
157

ການແຂ່ງຂັນເຕະບານ ລາລີກ້າ ແອັສປາຍ ລະດູການ 2020-21 ນັດສົ່ງທ້າຍປີ 2020 ເມື່ອຄືນວັນທີ 29 ທັນວາຜ່ານມາ, ບາຣເຊໂລນ້າ ແຊ້ມ 26 ສະໄໝ ເປີດບ້ານຕ້ອນຮັບ ເອບ້າ ໂດຍບໍ່ມີ ລີໂອເນວ ເມັສຊີ້ ຫົວໜ້າທີມ ເນື່ອງຈາກຫາກໍກັບມາຈາກບ້ານເກີດອາກຊັງຕິນ, ນັດນີ້ ເຈົ້າບ້ານໄດ້ຈຸດໂທດຕັ້ງແຕ່ 8 ນາທີທຳອິດ ແຕ່ ມາຕິນ ໄບຣເວັດ ຍິງບໍ່ເຂົ້າ, ຈົບເຄິ່ງເວລາທີໜຶ່ງສະເໝີກັນ 0-0.

ມາເຄິ່ງເວລາທີສອງ ເປັນທີມຢາມອອກນຳກ່ອນຈາກ: ກີເກ້ ກາເຊຍ ນາທີ 57′ ກ່ອນທີ່ ອຸສມານ ເດັມເບເລ່ ຕົວສຳຮອງ ຍິງປະຕູຕີສະເໝີໃຫ້ ບາຣຊ້າ 10 ນາທີຕໍ່ມາ ຈົບເກມ ບາຣຊ້າ ສະເໝີກັບ ເອບ້າ 1-1.

+ ເອບ້າ ມາໄດ້ຄະແນນຢູ່ຖິ່ນ ຄໍ້ານູ ຂອງ ບາຣຊ້າ ຄັ້ງທຳອິດ ຫລັງຈາກກ່ອນໜ້ານີ້ ມາຢາມໃດກັບໄປດ້ວຍຜົນປະລາໄຊ.

ບາຣຊ້າ ມີ 25 ຄະແນນຈາກ 15 ນັດ ຢູ່ອັນດັບທີ 6 ຕາມຫລັງ ແອັດມາດຣິດ ແລະ ຣຽວ ມາດຣິດ ທີມນຳ 7 ຄະແນນ, ຂະນະທີ່ ເອບ້າ ມີ 16 ຄະແນນຈາກ 16 ນັດ ຢູ່ອັນດັບທີ 15 ນັດຕໍ່ໄປ ບາຣຊ້າ ຈະໄປຢາມ ຮູເອັສກ້າ ນ້ອງໃຫມ່ ໃນຄືນວັນທີ 3 ມັງກອນ 2021.

ໄຮໄລ້ການແຂ່ງຂັນ:

[iframe title=”Resumen de FC Barcelona vs SD Eibar (1-1)” width=”640″ height=”360″ src=”https://www.youtube.com/embed/hGwHcucHO8I?feature=oembed” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture” allowfullscreen][/iframe]

Photo: FC Barcelona

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.