ສາເຫດທີ່ເປັນແຟນກັນມາຫຼາຍປີ ແຕ່ສຸດທ້າຍແລ້ວບໍ່ໄດ້ກັນ.

0
1707

ເຄີຍເຊື່ອເລື່ອງເນຶ້ອຄູ່ບໍ່?ບາງຄົນກໍ່ຈະເຊື່ອ ບາງຄົນກະອາດຈະບໍ່ເຊື່ອ

ແຕ່ແອັດມິນກໍ່ເຊື່ອວ່າອາດຈະມີແທ້, ແຕ່ເນື້ອຄູ່ໃນທີ່ນີ້ກໍ່ອາດຈະເກີດຍ້ອນເຮົາເປັນຄົນກຳນົດເອງກໍ່ມີ.
ແອັດມີໝູ່ຢູ່ 3-4 ຄົນທີ່ແບບວ່າມີແຟນແຕ່ສະໄໝຮຽນຄົບກັນຈົນເຮັດວຽກເຮັດການມາຈົນຮອດ 9-10 ປີ ແຕ່ແລ້ວຢູ່ດີໆກໍ່ເລີກກັນແບບງ່າຍໆເຫດຜົນກໍ່ບໍ່ສົມຄວນເລີກ,

ສຸດທ້າຍມີອີກຄົນເຂົ້າມາບໍ່ຮອດປີກໍ່ແຕ່ງງານກັນ. ບາງຄົນກໍ່ລົມກັນ 7-8 ປີ ແລ້ວສຸດທ້າຍກໍ່ມີເຫດໃຫ້ເລີກກັນແລ້ວກໍ່ໄປພົບອີກຄົນບໍ່ພໍເທົ່າໃດເດືອນກໍ່ແຕ່ງກັນ. ບາງຄັ້ງບໍ່ໜ້າເຊື່ອກໍ່ເປັນຕາເຊື່ອໃດ.

ເຫັນມາຫຼາຍຄູ່ແລ້ວແອັດເລີຍໄດ້ຂຽນບົດຄວາມມາ, ຄຳວ່າເນື້ອຄູ່ ຕາມຄວາມເຊື່ອກະອາດຈະຍ້ອນຜູກດວງຊາຕາກັນມາແຕ່ຊາດກ່ອນ ແລ້ວເຮັດໃຫ້ຕ້ອງໄດ້ພົບຕ້ອງໄດ້ພົວກັນຈົນເຮັດໃຫ້ຮັກແລະກໍ່ຕົກລົງໃຊ້ຊີວິດຮ່ວມກັນ.

ແຕ່ໃນທາງວິທະຍາສາດກໍ່ເວົ້າວ່າ ຍ້ອນໂຕເຮົາ ແລະ ອີກຝ່າຍຍອມຮັບເຊິ່ງກັນແລະກັນ, ມີຄວາມຜູກພັນ ຫຼື ຈຸດທີ່ຄ້າຍຄືກັນ ດຶງດູດມາເຂົ້າກັນໄດ້ ກໍ່ເຮັດໃຫ້ເກີດເປັນຄວາມມັກຮັກ ຄວາມຜູກພັນກັນ.

ສຳລັບຄູ່ທີ່ຄົບກັນດົນໆແລ້ວເລີກລາກັນໄປ: ອາດຈະເປັນຍ້ອນວ່າ ຖ້າຄົບກັນດົນແລ້ວ ແຕ່ບໍ່ຮູ້ຈັກຫາຫຍັງໃໝ່ໆມາເຕີມເຕັມໃຫ້ກັນ, ບໍ່ມີຫຍັງຕື່ນເຕັ້ນ,ເຮັດແຕ່ແນວເກົ່າໆ ຄືເກົ່າຕະຫຼອດ ມັນກະອາດຈະເຮັດໃຫ້ເບື່ອກັນ,

ອີກຢ່າງ ຄົບກັນດົນຫຼາຍ ອີກຝ່າຍຕ້ອງການສ້າງຄອບຄົວ, ແຕ່ອີກຝ່າຍພັດບໍ່ພ້ອມ ມັນກໍ່ເຮັດໃຫ້ເລີກກັນໄປ. ແລະ ບາງທີຄົບກັນໄປເຫັນຈຸດເສຍຂອງກັນຫຼາຍ ແລະ ຮັບກັນບໍ່ໄດ້ ກໍ່ເຮັດໃຫ້ເບື່ອ ແລະ ເລີກກັນໄປກໍ່ມີ.

ເມື່ອຊວ່ງເວລາທີ່ເໝາະສົມ, ໃນຂະນະທີ່ເລີກກັນໄປແລ້ວ ມີອີກຄົນເຂົ້າມາອາດຈະມາເຕີມເຕັມແບບທີ່ເຄີຍພົບມາດົນນານ, ຈາກນັ້ນຈຶ່ງກາຍເປັນເຮັດໃຫ້ມີສ່ວນໃນການຕັດສິນໃຈງ່າຍຂື້ນ ເມື່ອອີກຝ່່າຍກະພ້ອມເຊັ່ນກັນ, ສຸດທ້າຍກໍ່ຕົກລົງປົງໃຈກັນແຕ່ງງານກັນ.

ດັ່ງນັ້ນ,ເຮົາຈຶ່ງບໍ່ແປກໃຈເລີຍວ່າເປັນຫຍັງເຮົາຈຶ່ງເຫັນແບບນັ້ນ ແບບຄົບກັນໄປຫຼາຍປີພັດບໍ່ໄດ້ກັນ ບາດແລ້ວມາໄດ້ກັບຄົນທີ່ຄົບກັນບໍ່ຮອດປີກະມີ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.