ເຖິງແຮງງານລາວ ແລະ ສະມາຊິກໃນຄອບຄົວ ໃຫ້ເອົາໃຈໃສ່ປ້ອງກັນຕົວເອງຈາກໂຄວິດ

    0
    148

    ເຖີງ:ພີ່ນ້ອງແຮງງານລາວທຸກທ່ານ ເນື່ອງຈາກການແຜ່ລະບາດຂອງພະຍາດ covid-19 ໃນຮອບໃຫມ່ ທີ່ກຳລັງເກີດຂື້ນຢູ່ຫລາຍຈັງຫວັດຂອງປະເທດໄທ,ສະຖານເອກອັກລັດຖະທູດລາວ ແຫ່ງສປປ.ລາວ ປະຈຳຣາຊະອານະຈັກໄທ ຂໍຄວາມຮ່ວມມືເພື່ອພ້ອມກັນປະຕິບັດດັ່ງນີ້:

    1.ຫ້າມເຄື່ອນຍ້າຍ ຫລື ຫນີອອກຈາກພື້ນທີ່ ທີ່ຕົນເອງອາໄສຢູ່ໃນປັດຈຸບັນ ຫລື ຫ້າມເດີນທາງຂ້າມຈັງຫວັດຕ່າງຢ່າງເດັດຂາດ ຈົນກວ່າຈະມີການແຈ້ງຄືນໃຫມ່. 2.ໃຫ້ການຮ່ວມມືກັບທາງການໄທ ໃນການເຂົ້າກວດຫາເຊື້ອພະຍາດ ໂຄວິດ19 ຫາກກວດພົບວ່າຜູ້ໃດຕິດເຊື້ອພະຍາດ ລັດຖະບານໄທ ຈະໃຫ້ການປິ່ນປົວ ແລະ ຮັກສາແບບບໍ່ເສຍຄ່າ(ຟຣີ)

    3.ໃນໄລຍະນີ້ທາງການໄທ ຈະບໍ່ມີການປັບໄຫມ, ຈັບກຸມ ຫລື ຫລື ດຳເນີນຄະດີໃດໆ ໂດຍພາກສ່ວນທີ່ກ່ຽວຂ້ອງກຳລັງພິຈາລະນານະໂຍບາຍຜ່ອນຜັນເພື່ອໃຫ້ພີ່ນ້ອງແຮງງານລາວ ຜູ້ທີ່ບໍ່ມີເອກສານເຮັດວຽກແບບຖືກຕ້ອງ(Visa ທ່ອງທ່ຽວ ຫລື ບໍ່ມີເອກະສານຫຍັງ) ໃຫ້ສາມາດອາໄສ ແລະ ເຮັດວຽກໃນປະເທດໄທໄດ້.ສະນັ້ນເພື່ອຮັບປະກັນຄວາມປອດໄພຈາກພະຍາດ covid19 ຂໍໃຫ້ພີ່ນ້ອງແຮງງານລາວເຮົາເອົາໃຈໃສ່ປ້ອງກັນຕົວເອງ ແລະ ສະມາຊິກໃນຄອບຄົວເປັນຢ່າງດີ.ຫລີກລ້ຽງການເດີນທາງບ່ອນທີ່ມີຄວາມສ່ຽງ ໃສ່ຜ້າອັດປາກ-ດັງ ລ້າງມືຢູ່ເລື່ອງ ແລະ ໃຫ້ປະຕິບັດຕາມລະບຽບການຂອງປະເທດເຈົ້າພາບຢ່າງເຂັ້ມງວດ.