ອ້າວ! ຕໍາຫຼວດຈັບ 4ໜຸ່ມຈາກເມືອງສອງຄອນ ໜີໂຄວິດ-19ຈາກໄທ ຫວັງຂ້າມຂອງກັບມາບ້ານເກີດ.

0
431

ວັນທີ 23 ທັນວາ 2020 ເວລາປະມານ 11:30 ໂມງ ເຈົ້າຫນ້າທີ່ຂອງໄທໄດ້ເຂົ້າຄວບຄຸມຕົວ 4 ຫນຸ່ມ ເມືອງສອງຄອນ, ແຂວງສະຫວັນນະເຂດ ໂດຍຈັບໄດ້ທີ່ແຄມຝັ່ງແມ່ນ້ຳຂອງ ທີ່ບໍລິເວນບ້ານໂພເມືອງຕຳບົນນາແວງ ອຳເພີເຂັມມະຣາດ ຈັງຫວັດອຸບົນຣາດຊະທານີ ຂະນະທີ່ນັ່ງລໍຖ້າຂຶ້ນເຮືອຫາງຍາວ ເພື່ອຈະຂ້າມໄປຝັ່ງເມືອສອງຄອນ ແຂວງສະຫວັນນະເຂດ.

ຈາກການສອບສວນຂອງເຈົ້າຫນ້າທີ່ໄທ ທັງຫມົດສາລະພາບວ່າ ໄດ້ເຮັດງານເປັນເດັກເສີບ ທີ່ຮ້ານແຫ່ງຫນຶ່ງ ທີ່ກຸງເທບມະຫານະຄອນ, ແລ້ວຄິດຮອດບ້ານ ຄິດຮອດພໍ່-ແມ່ ແລະ ນາຍຈ້າງໄດ້ຕັດເງິນເດືອນ ເຫລືອແຕ່ວັນລະ 150 ບາດ ຈຶ່ງຕັດສິນໃຈລັກຫນີຈາກເຮືອນພັກ ມາຂຶ້ນລົດທົວໂດຍສານ ສາຍກຣຸງເທບ-ເຂັມມະຣາດ ແຕ່ໄດ້ມາຖືກເຈົ້າຫນ້າທີ່ຄວບຄຸມຕົວໄວ້ໄດ້ເສຍກ່ອນ ໃນເບື້ອງຕົ້ນເຈົ້າຫນ້ທີ່ໄດ້ພາໄປກວດອຸນຫະພຸມໃນຮ່າງກາຍ ບໍ່ມີໄຂ້ແຕ່ຢ່າງໃດ.

ຂະນະເຈົ້າຫນ້າທີ່ສາທາລະນະສຸກກຳລັງກວດຮ່າງກາຍຢ່າງລະອຽດ ແລະ ເຈົ້າຫນ້າທີ່ກວດຄົນເຂົ້າເມືອງ ຕຳຫລວດຝ່າຍປົກຄອງ, ຝ່າຍຄວາມຫມັ້ນຄົງສອບປາກຄຳຢ່າງເຄັ່ງຂັດຫາກເດີນທາງມາຈາກພື້ນທີ່ສຽງ ຕ້ອງກັກຕົວ 14 ວັນ ເພື່ອລໍຖ້າເບິ່ງອາການ ກ່ອນຈະຜັກດັນກັບປະເທດ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.