ຂົນຫົວລຸກຫຼົງທາງເຂົ້າໄປໃນເມືອງຮ້າງ (ເມືອງສະໜາມໄຊ) 5 ຊົ່ວໂມງກວ່າຈະອອກມາໄດ້.

0
1013

ຂໍບອກໄວ້ກ່ອນເດີວ່າ(ເປັນຄວາມເຊື່ອສ່ວນບຸກຄົນກະລຸນາໃຊ້ວິຈາລະນະຍານໃນການຮັບຊົມ) ໄດ້ຮັບຂໍ້ຄວາມຈາກຜູ້ໃຊ້ເຟສບຸກຄົນໜື່ງໄດ້ເວົ້າວ່າ “ທີ່ຈິງພວກເຮົາຊິໄປນອນທີ່ແຂວງເຊກອງລະຫລົງທາງ ໄປຖາມເຂົາເຈົ້າແຖວນັ້ນລະຖາມຜິດ ແທນທີ່ຊິຖາມວ່າໄປແຂວງເຊກອງໄປທາງໃດ ລະບໍ່ຖາມ ໄປຖາມວ່າໄປ ແຂວງອັດຕະປື ໄປທາງໃດ.

ເຂົາເຈົ້າລະຊີ້ມືໄປທາງເມືອງສະໜາມໄຊ ວ່າໄປທາງນິ້ກະໄດ້ວ່າຊັນ ຂີ່ເຂົ້າໄປໄດ້ຊົ່ວໂມງ 1 ທາງລະນ້ອຍເຂົ້ານ້ອຍເຂົ້າ ບ້ານຄົນກະບໍ່ມີ ມີແຕ່ປ່າ ມືດແທ້ມືດວ່າ
ພາກັນຢ້ານແຫຼະ ລະຊວນກັນກັບ ແຕ່ໂຊເຟີເພິ່ນວ່າກະເທີນໄດ້ມາລະ ໄປຕໍ່ຊະວ່າຊັນ

ທາງກະຍາກໆ ແບບວ່າມີຮ່ອງນໍ້າໄຫລຢູ່ກາງທາງຫັນນະ ເພາະຊ່ວງທີ່ເຮົາໄປເປັນຍາມຝົນແລະຝົນກະຕົກແນ່ກ່ອນໜ້າພວກເຮົາໄປຫັນນະ ລະທາງມັນມື່ນ ຂີ່ໄວກະບໍ່ໄດ້ ລົດມັນເຕ້ວ ບາງບ່ອນກະເປັນຂູມເປັນບວກບັກໃຫຍ່ ຂີ່ໄປໄກເຕີບ ຊົ່ວຊິເຫັນບ້ານຄົນ ຊົ່ວຊິເຫັນລົດຂີ່ກາຍ ຈັກຢ້ານໂຈນຢ້ານຜີ ແຕ່ກະຍັງບໍ່ຮູ້ວ່າແມ່ນທາງໄປເມືອງສະໝາມໄຊ

ຈົນຂີ່ໄປຮອດທາງຍາກໆເກືອບໄປບໍ່ໄດ້ ລະຈອດເບີ່ງທາງ ແນມໄປເຫັນ ບ້ານຮ້າງ ເມືອງຮ້າງ ຄົນບໍ່ມີເລີຍ ເຮືອນຫລັງໃດກະແຕກ ຫລັງຄາລຸ ກໍາແພງເຮືອນລຸ ປ່ອງຢ້ຽມບໍ່ມີເລີຍ ຈັງຮູ້ວ່າໄປຫລົງທາງຢູ່ເມືອງສະໝາມໄຊ
ຂີ່ລົດຄວາມໄວມີແຕ່ 20-30 ກິໂລແມັດຕໍ່ຊົ່ວໂມງ ຂີ່ໄວກະບໍ່ໄດ້ ທາງແຄບ ນ້າສາວເຮົານັ່ງທາງໜ້າເຫັນຜູ້ເຖົ້າຈູງເດັກນ້ອຍຍ່າງລະລົດທີ່ພວກເຮົາຂີ່ຕໍາໄປວ່າຊັນແຕ່ລົດບໍ່ເປັນຫຍັງ

ບາງຄົນກະເຫັນຮາວຕາກເຄື່ອງ ລະເຄື່ອງທີ່ຕາກກະມີແຕ່ເຄື່ອງໃຫມ່ໆງາມໆຢູ່ເຫັນມີຄົນຢືນຢູ່ໃນຄວາມມືດກຳລັງໃຊ້ຊີວິດເໝືອນຊາວບ້ານທົ່ວໄປ
ເຫັນລົດຂີ່ກາຍສີ່ຫ້າຄັນ ຂີ່ບັກໄວໆ ເອົາແວ່ນລົດລົງກັວກມືຊິຖາມທາງເຂົາເຈົ້າ ເຂົາເຈົ້າກະບໍ່ຈອດ ຊົ່ວຊິອອກມາໄດ້ ຕິດຢູ່ໃນຫັນກະ 5 ຊົ່ວໂມງ ຕອນອອກມາໄດ້ແມ່ນເວລາ 1 ໂມງກາງຄືນ ຫຼັງຈາກອອກມາໄດ້ ໄປຖາມທາງຄົນແຖວນັ້ນ ເຂົາເຈົ້າຖາມວ່າພວກເຈົ້າບໍ່ເຫັນຫຍັງຫວາ

ແຕ່ຂະໜາດໄປຕອນເວັນມັນຍັງຢືນກັວກມືຢູ່ຄົນໄປກ້ານກົບເຂົາໄປເຫັນມາຫຼາຍຄົນແລ້ວບໍ່ມີໃຜກ້າໄປແຖວນັ້ນດອກ ເມື່ອອອກມາໄດ້ຈື່ງຮູ້ວ່າ ໝູ່ບ້ານຮ້າງ ເມືອງຮ້າງນັ້ນ ເຄີຍເກີດເຫດເຂື່ອນແຕກໃນ 2 ປີກ່ອນ” ເຫດການນີ້ເກີດຂື້ນໃນຕົ້ນເດືອນ ຕຸລາ 2020 ທີ່ຜ່ານມາ

ເຊີ່ງກຸ່ມນັກທ່ອງທ່ຽວປະມານ 5 ຄົນຂີ່ລົດຕູ້ໄປທ່ອງທ່ຽວໄດ້ເຫັນເຫດການແລະໄດ້ເລົ່າເຫດການເປັນຕາຢ້ານໃຫ້ຟັງ (ເປັນຄວາມເຊື່ອສ່ວນບຸກຄົນກະລຸນາໃຊ້ວິຈາລະນະຍານໃນການຮັບຊົມ)
ທີ່ມາ: ສະຫວັນບ້ານນາ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.