ບີບຫົວໃຈເຫຼືອເກີນ! ແມ່ຢືມເງິນພີ່ນ້ອງໄປຊື້ເຄື່ອງມາເຮັດຊີ້ນດາດໃຫ້ລູກ ແຕ່ກັບມາພົບເປັນສົບທັງລູກທັງຫຼານ.

0
310

ເລື່ອງລາວທີ່ແອັດຈະນໍາສະເໜີຕໍ່ໄປນີ້ ຖືເປັນເລື່ອງເສົ້າ ທີ່ຢາກຍົກຂຶ້ນມາເຕືອນພໍ່ແມ່ຜູ້ມີລູກນ້ອຍທັງຫຼາຍ ໄດ້ເຝົ້າລະວັງ ແລະ ເບິ່ງແຍງລູກຂອງຕົນໃຫ້ດີກວ່າເກົ່າ ຫາກບໍ່ດັ່ງນັ້ນ ທ່ານອາດເສຍໃຈໄປຕະຫຼອດຊີວິດກໍ່ເປັນໄດ້.

ສະຖານທີ່ເກີດເຫດແມ່ນຢູ່ປະເທດໄທ ຫຼັງກູ້ໄພໄດ້ພົບວ່າຊາວບ້ານໄດ້ນຳຮ່າງຂອງເດັກນ້ອຍ4ປີ ຂຶ້ນຈາກນ້ຳໄດ້ແລ້ວ ສ່ວນເດັກນ້ອຍອີກຄົນໜຶ່ງອາຍຸ 6ປີ ຍັງຈົມຢູ່ໃນໜອງນ້ຳເລິກ 4ແມັດ ເຈົ້າໜ້າທີ່ໜ່ວຍກູ້ໄພຈຶ່ງໄດ້ຊ່ວຍກັນລົງຄົ້ນຫາຈົນພົບຮ່າງເດັກນ້ອຍໄວ6ປີຈົມຢູ່ໃນນ້ຳ.

ຈາກການສອບຖາມ ນາງ ນົງລັກ (ແມ່ຂອງເດັກນ້ອຍອາຍຸ4ປີ) ໄດ້ກ່າວວ່າ ຕົນເອງມີລູກ5ຄົນ ສາມີແມ່ນໄປເຮັດວຽກເປັນກຳມະກອນກໍ່ສ້າງຢູ່ທາງພາກໃຕ້ ສ່ວນຕົນເອງຢູ່ເຮືອນລ້ຽງລູກ ເຊິ່ງເປັນຄອບຄົວຖານະຍາກຈົນ ໃນມື້ທີ່ເກີດເຫດ ນາງ ສຳລຽງທີ່ເປັນພີ່ນ້ອງຂອງຕົນຢູ່ຄົນລະບ້ານໄດ້ພາລູກສາວໄວ 6ປີມາຫຼິ້ນນຳຢູ່ເຮືອນ.

ຢູ່ໆລູກສາວຂອງຕົນກໍ່ຈົ່ມວ່າຢາກກິນຊີ້ນດາດ ເຊິ່ງກ່ອນໜ້ານີ້ລູກກໍ່ບອກວ່າຢາກກິນຢູ່ຫຼາຍເທື່ອແລ້ວແຕ່ຕົນບໍ່ມີເງິນໄປຊື້ ມື້ນີ້ຈຶ່ງໄດ້ຕັດສິນໃຈຢືມເງິນນຳນາງສຳລຽງ ແລ້ວຈຶ່ງພາກັນຊ້ອນລົດໄປຊື້ຊີ້ນດາດຢູ່ຕະຫຼາດ.

ພໍກັບມາຮອດເຮືອນຈົນຊັອກຂາອ່ອນລົ້ມລົງເພາະເຫັນຮ່າງໄຮ້ວິນຍານຂອງລູກສາວແລະຫຼານສາວ ນອນຢູ່ເທິງຕຽງແລ້ວ ຈຶ່ງຮີບເຂົ້າໄປກອດພ້ອມທັງບອກທັງນ້ຳຕາວ່າ ທີ່ຜ່ານມາບໍ່ເຄີຍຫ່າງລູກສາວເລີຍແຕ່ມື້ນີ້ເຫັນວ່າຫຼານມາຫຼິ້ນນຳຈຶ່ງປ່ອຍໃຫ້ຫຼິ້ນນຳກັນແລະຍັງມີແມ່ເຖົ້າເຝົ້າເຮືອນຢູ່ນຳແດ່ ແລ້ວຕົນຈຶ່ງອອກໄປຊື້ຊີ້ນດາດເພື່ອມາໃຫ້ລູກກິນ ແຕ່ລູກຍັງບໍ່ທັນໄດ້ກິນຊ້ຳກໍ່ມາຈາກແມ່ໄປແລ້ວ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.