ພ້ອມແລ້ວຫຼືຍັງກັບການຂຶ້ນທາງດ່ວນຄັ້ງທຳອິດ?.

0
327

ທຸກທ່ານພ້ອມແລ້ວບໍກັບການຂຶ້ນໃຊ້ບໍລິການທາງດ່ວນຂອງປະເທດເຮົາເປັນເທື່ອທຳອິດ ເນື່ອງຈາກດຽວນີ້ໄດ້ສ້າງສຳເລັດແລ້ວ ແລະມີກຳນົດເປີດຢ່າງເປັນທາງການໃນວັນທີ 20 ທັນວາ 2020 ກໍ່ຄືມື້ອື່ນນີ້ແລ້ວເດີ້ ແຕ່ກ່ອນຈະໄປເຮົາມາທົບທົບກົດລະບຽບກັນໜ້ອຍໜຶ່ງເພື່ອໃຫ້ຜູ້ຂັບຂຮາ ຜູ້ໃຊ້ລົດໃຊ້ຖະໜົນຮູ້ກ່ອນ ຈັ່ງບໍ່ເສຍຄວາມຮູ້ສືກ ແລະເສຍບັນຍາກາດຂອງການເດືອນທາງນໍ.

ທາງດ່ວນນະຄອນຫຼວງວຽງຈັນ ຫາ ເມືອງວັງວຽງ ໂດຍມີໄລຍະທາງ 109 ກິໂລແມັດ ມີກຳນົດເປີດນຳໃຊ້ຢ່າງເປັນທາງການໃນວັນທີ 20 ທັນວາ 2020 ນີ້ແລ້ວ ແລະຂ່າວສຸດຕໍ່ມານອກຈາກການເປີດນຳໃຊ້ເສັ້ນທາງດ່ວນກໍ່ຄືປະຊາຊົນທຸກຄົນສາມາດຜ່ານໄດ້ແບບຟຣີໆຕະຫຼອດ3 ວັນຄືວັນທີ 21-23 ທັນວາເລີຍ ພຽງແຕ່ວ່າອີງຕາມກົດໝາຍທາງບົກ ແຫ່ງ ສປປ ລາວ ແມ່ນເພິ່ນບໍ່ອະນຸຍາດໃຫ້ພາຫະນະທີ່ມີຄວາມແຮງງ 350 ຊີຊີລົງມາຂຶ້ນໄປແລ່ນຢູ່ໃນທາງດ່ວນ. ໍ

ຄວາມໝາຍຄື ຢ່າງໜ້ອຍຕ້ອງມີຄວາມແຮງຂອງຈັກຫຼາຍກວ່າ 350 ຊີຊີຂຶ້ນໄປ ນອກນັ້ນຍັງມີລົດບັນທຸກ, ລົດພວງທີ່ມີນ້ຳໜັກເກີນທີ່ກຳນົດໄວ້, ຍານພາຫະນະທີ່ດັດແປງສະພາບເຕັກນິກທີ່ບໍ່ຮັບປະກັນດ້ານຄວາມປອດໄພ ແລະ ພາຫະນະອື່ນໆທີ່ກໍານົດແລ່ນຕ່ຳກວ່າ 80 ກິໂລແມັດຕໍ່ຊົ່ວໂມງກໍ່ຫ້າມຂຶ້ນເຊັ່ນກັນ.

ສະເພາະການຂຶ້ນທຽວທາງດ່ວນນັ້ນ, ຜູ້ຂັບຂີ່ລົດຈັກທີ່ມີແຮງມ້າຫຼາຍກວ່າ 350 ຊີຊີຂຶ້ນໄປ ແລະ ລົດເບົາທຸກປະເພດໃຫ້ໃຊ້ຄວາມໄວຢູ່ລະຫວ່າງ 80-110 ກິໂລແມັດຕໍ່ຊົ່ວໂມງ (ຍົກເວັ້ນສະພາບມີໝອກ ມີຝົນ), ສ່ວນ ລົດຜູ້ຂັບຂີ່ຂົນສົ່ງຜູ້ໂດຍສານ ແລະ ສິນຄ້າທຸກຂະໜາດໃຫ້ໃຊ້ຄວາມໄວໃນລະຫວ່າງ 80-90 ກິໂລແມັດຕໍ່ຊົ່ວໂມງ (ຍົກເວັ້ນສະພາບມີໝອກ ມີຝົນ) ນອກນັ້ນຕ້ອງໃຫ້ປະຕິບັດຕາມໄຟສັນຍານ, ປ້າຍ ແລະ ເຄື່ອງໝາຍປ້າຍຈະລາຈອນທີ່ຈໍາກັດຄວາມໄວຢ່າງເຂັ້ມງວດ.

ສໍາລັບໄລຍະຫ່າງຂອງພາຫະນະລະຫວ່າງຄັນຕໍ່ຄັນແມ່ນໃຫ້ຢູ່ໃນລະດັບ 100 ແມັດຂຶ້ນໄປ ເຊິ່ງມາຮອດຕອນແລງວັນທີ 19 ທັນວາ ສະຖານີເກັບເງິນທາງດ່ວນ”ວັງວຽງ”ພ້ອມເປີດໃຊ້ບໍລິການ ແລ້ວ!!! ຍິນດີຕ້ອນຮັບທຸກທ່ານ 20-23ເປີດໃຫ້ໃຊ້ບໍລິການຟຣີ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.